22.04.2018
Diversantların yerinə Paşinyanın oğlu yox, Serj Sarkisyanın özü tələb edilməlidir
Ermənilərin özləri və daha dəqiq desək Serj Sarkisyanın özü Azərbaycanın əlinə ələdüşməz fürsət verib. O Bakıda saxlanılan erməni terror-diversiya qrupunun üzvlərinin 20-25 nəfərini Paşinyanın oğlu Aşotla dəyişdirməyi təklif edib. Paşinyan seçkilərin bu pik nöqtəsində çıxılmaz vəziyyətdə qalaraq buna özünün dediyi kimi rəsmi olaraq razılıq verib. Bu təklif təbii Serj Sarkisyanın mənəviyyatsız və ən doğrusu vəhşi düşüncəsinin göstəricisidir. Azərbaycan torpaqlarının işğalı, etnik təmizləmə,yüz minlərlə insanımızın həyatının məhv olması, şəhər və kəndlərimizin yer üzündən silinməsi, qəbristanlıqların dağıdılması və ölülərin qalıqlarının da qəbirdən çıxarılıb çöllərə səpələnməsi Serj Sarkisyan və R. Kocaryanın vəhşi heyvan düşüncəsinin nəticəsidir.
Xocalıdakı və Qarabağın bütün başqa kəndlərindəki qətliamlar bilavasitə Serj Sarkisyanın Qarabağda silahlı qüvvələrə başçılıq etdiyi zaman onun iştirakı ilə baş vermişdir. İndi Bakıda saxlanılan erməni diversantları da Sarkisyan anti-insani idelogiyasının qurbanlarıdır. Ermənistan öz tarixinin ən həssas dönəmini yaşayır. Qarşıdurma ən son nöqtəyə gəlib çıxmışdır. Həyatı işğal, ölüm, dağıntı, fəlakət üstündə qurulan Koçaryan-Serj Sarkisyan qrupu ilə, bu qrupun son 30 ildə xəstə cəmiyyət yaratdığı ölkədə gələcəyə baxmağa çalışan Paşinyan qrupu arasında savaş gedir. Koçaryan-Serj Sarkisyan qrupu ağla gəlməyən ən çirkin dil və metodlardan istifadə edirlər. Serj Sarkisyan öz zəhərli məhsulu olan əsirləri dəyişdirmək üçün Paşinyanın bu işdə günahı olmayan oğlunu təklif edirsə, Azərbaycan isə əvəzində Serj Sarkisyanın özünü tələb etməlidir. Əgər Azərbaycan bu tələbi qoyarsa, onun Ermənistanda atom bombası kimi effekti olacaq. Biz bütün əsirlərin əvəzinə, Serj Sarkisyanın özünü istəyirik. Görək “həyatını Qarabağ üçün, Millət üçün qoyan” Serj Sarkisyan buna nə cavab verə biləcək. Və görək o erməni xalqına nə cavab verəcək? Görək Paşinyana nə cavab verəcək?
Biz bu tələbi qoysaq, bu həm regional və həm də geniş beynəlxalq resonansa səbəb olacaq. Bu addım Sarkisyanın Azərbaycan xalqına törətdiyi bütün cinayətlərin dünya birliyinə də çatdırılması üçün əlavə şans olacaq. Təbii ki, Azərbaycan hüquq mühavizə orqanları ona qarşı da iş açmışdır və bizim onu həbs etmək planımız həmişə gündəlikdədir. İndi Serj Sarkisyanı və onun zehniyyətini tam və qəti oalraq məhv etmək üçün əlimizə vaxtında və tarixi şans düşüb. Biz Serj Sarkisyanın Azərbaycana verilməsini tələb etməliyik. Bunun yolunu da elə onun özü göstərib.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz