Genrix Mxitaryanın Bakıda Avroliqa finalında iştirak edib-etməməsi ilə bağlı siyasi məsələ, deyəsən, Azərbaycanda ilk dəfə keçirilən bu səviyyədəki futbol maçının özünü ikinci plana keçirib.
Belə bir təəssürat yaranır ki, Azərbaycan tərəfi bütün səylərini Bakıda Mxitaryanın oyunda iştirakı üçün şərait olmadığı haqqında iddihamları rəf etməyə yönəldib.
Bütün bəyanatlara və verilmiş zəmanətlərə baxmayaraq, erməni futbolçu gəlməyə cəsarət etmədi, Bakı isə Ermənistanı tərəfi qərəzli təxribatda ittiham etməkdən o tərəfə keçmədi.
Amma, gəlin, başqa bir versiyanı və hadisələrin başqa gedişatını təsəvvür edək. Təsəvvür edin ki, rəsmi Bakı belə bir bəyanat verir:
1) Avropa Liqasının finalına bileti olan erməni soyadlı istənilən şəxs rahatca Bakıya gələ, vətəndaşı olduğu ölkədən asılı olmayarag, sadələşdirilmiş qaydada viza ala bilər.
2) Bu azarkeşlərin qarşılanması, yerləşdirilməsi və təhlükəsizliyi ilə bağlı məsələləri operativ şəkildə həll edəcək xüsusi komanda formalaşdırılacaq.
3) Azərbaycan hakimiyyəti matçı işıqlandırmaq üçün Matç-TV kanalının məşhur şərhçisi, keçmiş bakılı Nobel Arustamyanı, həmçinin keçmiş bakılı, "Neftçi" komandasının üzvü Eduard Markarovu ayrıca dəvət edir.
4) Bu azarkeşlər üçün tribunalarda xüsusi sektor ayrılacaq və mühafizələri təmin ediləcək.
Belə bir elan bəzilərinə macəra kimi görünə bilər, çoxları bunu "milli maraqların satılması" adlandırar.
Amma, gəlin, Bakıda Avropa Oyunları zamanı erməni əsilli Ukrayna idmançısının prezident İlham Əliyevin əlindən medal alması epizodunu yada salaq. Uğultu və fit səsləri ətrafı bürüdü, amma prezidentin əlini qaldırıb bir jest etməsi kifayət etdi ki, sakitlik yaransın. Və mühüm olan zalın susması deyil, ev sahibinin mövqeyini nümayiş etdirən jestin özü idi.
Mxitaryanın onsuz da gəlmək istəmədiyini və idmandan siyasi və ideoloji məqsədlər üçün istifadə edən ermənilərin nazı ilə oynamaga ehtiyac olmasını deyə bilərlər.
Amma ideoloji mübarizə aparırıqsa, onu cəsarətlə, qabaqlayaraq aparmalıyıq, özümüzə bəraət qazandırmağa və ya özümüzü müdafiə etməyə çalışmamalıyıq.
Hələlik isə jest etməyə, ev sahibinin mövqeyini göstərməyə və topu rəqib tərəfdə saxlamağa zamanımız var. -0-
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz