«Bu gün səni qaz kamerasında boğmurlarsa, sənin işin yananın külünü yığışdırmaqdırsa, o demək deyil ki, sabah sən öz uşaqlarının külünü oradan təmizləməyəcəksən!»
Bu gün Beynəlxalq İnsan Hüquqları Günüdür. Bu münasibətlə Sülh və Demokratiya Institutu xüsusi bəyanat hazırlayıb. Təşkilatın rəhbəri Leyla Yunus bəyanatda yazır:
“Azərbaycanda bu gün İnsan Hüquqları Gününü qeyd olunması yəhudilərin 1943-cü ildə həbs düşərgəsində Pasxa bayramını qeyd etməsinə bənzəyir.
Əlbəttə, ürək ağrısı ilə qeyd edirik. Çünki bu gün Azərbaycanda 140 nəfərdən artıq siyasi məhbus və vicdan məhbusu həbsxanada həyatını və sağlamlığını itirir. Oktyabrın 9-da hakimiyyətin növbəti zəfə qəsb edilməsindən sonra bütün ölkə boyu saxta ittihamlarla həbs olunan şəxslərin işi üzrə məhkəmə prosesləri gedir. REAL hərəkatının sədri Ilqar Məmmədov və Müsavat başqanının müavini Tofiq Yaqublu, eləcə də İsmayıllı hadisələri üzrə həbs olunmuş digər şəxslərin Gəncədəki istintaq təcridxanasından aparıldığı Şəkidə isə məhkəmə bu adamlar üçün aylarla davam edən işgəncəyə çevrilib. Lənkəranda Müsavat funksioneri Yadigar Sadıqovun məhkəməsi isə cənub bölgəsində yaşayanlara dərs vermək məqsədi daşıyır. Yəni, hətta ən ziyalı müəllim də xuliqan kimi qələmə verilib həbsxanaya göndərilə bilər!
Bakı Ağır Cinayətlər Məhkəməsində hazırda məhkəməsi gedən 8 gənc fəala isə bunu demək istəyirlər: əgər sifarişçi istəsə, 8 yox, lap 8000 nəfər də narkoman-terrorçu tuta bilərik və heç bir Amerika, Avropa sizə kömək eləyə bilməz!
Seçkidən keçən iki ay ərzində avtoritar Əliyev rejiminə qarşı çıxmaq cəsarətində bulunan dörd nəfərə artıq hökm oxunub: tanınmış hüquqşünas, hüquq müdafiəçisi Qurban Məmmədov (3 il həbs), ilahiyyatçı Tale Bağırzadə (2 il), jurnalist Sərdar Əlibəyliÿ(4 il), blogger Rəşad Ramazanov (8 il).
Sözün düzünü dilə gətirənlər həmişə diktatorları, işğalçıları qorxudub. Bizim Vətənimiz də məhz işğal olunub - bir qismi erməni işğalçıları tərəfindən, qalanı da avtoritar rejim tərəfindən.
Vətəndaşlar ümid edir ki, susqunluq və itaət göstərməklə hakimiyyətə qarşı çıxanların hakimiyyətə qarşı çıxanların dəhşətli aqibətini yaşamaqdan sığortalanacaqlar. Bir çox həmvətənlərimiz düşünür ki, əsas məsələ ailəni dolandırmaq, uşaqların gələcəyini təmin etməkdir. Ona görə də susmaq lazımdır...
Elə həmin adamların günlərin birində gəlib evlərini sökəndə onlar təəccüblənirlər və bu zaman onlar nə ailələrini, nə də evlərini qoruya bilmirlər. Anlamaq lazımdır ki, bu gün susursansa, sabah növbə sənə də çata bilər!
Əziz həmvətən, əgər bu gün sənin özünü qaz kamerasına və ya sobaya doğru itələmirlərsə və sənin işin külü yığışdırmaqdırsa, bu hələ o demək deyil ki, sabah sən öz uşaqlarının və ya valideynlərinin külünü oradan təmizləməyəcəksən!
Əziz azərbaycanlılar, Insan Hüquqları Gününüz Mübarək!"
azadliq.info
Söz istəyirəm
-
Azərbaycanda iqtidaryönümlü mətbuatın özünəməxsus və lazımınca qiymətləndirilməyən keyfiyyətləri var.
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
Rəy yaz