�My Father's eyes � (�Atamın gözləri�)

İstintaq Mehman Əliyevin ailəsi ilə ünsiyyətinə qadağa qoyub. Ancaq həbs olunan, hətta mühakimə edilən şəxslərin də doğmaları ilə görüşü və telefon danışığı nəzərdə tutulur. Lakin Mehmanla bağlı heç bir ağlabatan açıqlama verilmədən sərt qadağa qoyulub. Formal açıqlama olduqca gülüncdür - ailə ilə ünsiyyət istintaqa mane ola bilər (!) Və istintaq bu cür sayıqlamanı söyləməkdən çəkinmirdi.

Bununla belə, məhkəmə M.Əliyevin evə telefon etmək inkamlarına qoyulan qadağanın ləğvi barədə şikayəti təmin etməkdən imtina edib.

İstintaq kimdən qorxurdu?

Mehmanı evdə 90 yaşlı atası gözləyirdi. Ona demişdilər ki, Mehman təcili olaraq xaricə ezamiyyətə getməli olub və yubanır.

Ürək şuntlama əməliyyatı keçirən yaşlı adama daha nə qədər yalan söyləmək olardı?

Hər avtomobil səsi gələndə atanın baxışları ümidlə qapıya dikilir və hər dəfə də ümidi azalır, kədəri çoxalırdı.

Onun fikirlərini, sarsıntılarını təsəvvür edə bilirsinizmi?

Baxışlar və gözlərin ifadəsi daha çox danışır, nəsə söyləyir, nəinki sözlər..

Atanı oğlunun səsini duymaqdan məhrum edənlər bunu başa düşə bilirmi? Bu nə cəzadır belə və nəyə görədir?

Hətta normal insan belə vəziyyətdə ancaq bu sözləri deyə bilər: "Lənətə gələsiniz, eyni aqibəti yaşayasınız. Sizin də valideynləriniz eyni sarsıntıları yaşasın".

Ancaq mən başqa şey deyirəm: cənablar, bu insanın gözlərinə baxın, çalışın onun nə düşündüklərini anlayasınız. Bu insan bir də oğlunu bağrına basa biləcəyinə inanırmı? Bu, ona nəsib olacaqmı?

Bu sarsıntılara görə öz mənəvi məsuliyyətinizi başa düşürsünüzmü? Öz valideynlərinizi bu vəziyyətdə təsəvvür edə bilirsinizmi?

Əgər bu atanın gözlərinə baxıb rahat yata bilirsinizsə demək ki, sizdə insanlıq qalmayıb...

Erik Klaptonun mahnısı var: "My Father's eyes - "Atamın gözləri".

"Sənin gözlərin üçün necə də darıxıram, ata. Bizim aramızda görünməyən körpü olan gözlər..

Günahım nədir ki, bu gözləri itirdim..

Bu gözlərdə mənə oxunan laylalar, çətin anlarda mənə güc verən qüvvə var..

Amma onlar buradadır, yanımdadır. Qaranlıq dünyamı işıqlandıram atamın gözləri..

Bu mahnını dinləyin və 90 yaşlı qocanın gözlərinin içinə baxın.

Bilirəm ki, vicdanınız ağrımayacaq. Elə belə də yaşayın, əgər bacarsanız...