Oxucu məktubu

Salam, xanımlar və cənablar.

Deputatların, "özlərini seçən xalqın rifahı üçün" çalışdığını başa düşürük əlbəttə ki. 

Bunun bariz nümaunəsi qəbul etdiyiniz qərarlar və qanunlardır. Hansılar ki, əksəriyyəti preventiv və cəza tipli qərarlardır, halbuki cəmiyyət və insan həyatını daha da yaxşılaşdırmalıdır.

Dünənki qərarınız, maska taxmaqla bağlı, çox "mötəbər" idi.  Əl-əxsus da cərimələrin tətbiqi. Onsuz da pandemiya səbəbindən iqtisadi durumu pisləşmiş vətəndaşlara belə cərimələrin tətbiqi nə qədər ədakətlidir? 

Təsəvvür edək ki, məqsəd həqiqətən də insanların sağlamləğıdır. O zaman, niyə qərar qəbul etmirsiniz ki, insanlara pulsuz maska paylansın, hər kəsə hər gün üçün 2-3 maska ən azından? Bu sualı deputatlara ünvanlayın zəhmət olmasa.

Eləcə də, SMS icazə sisteminin bərpa olunması. Bu, insan hüquq və azadlıqlarına ziddir. Dünyanın heç bir demokratik ölkəsində belə icazə tətbiq olunmur. Azərbaycanı bu mənada fərqli qılan nədir ki, bizdə belə SMS icazəsinə ehtiyac duyuldu? Onsuz da danışıq və mobil internet tariflərini qafqaz bölgəsində ən baha qiymətə təqdim edən bizim mobil operatorlara buna görə büdcədən yardım verilir mi? 

Bu sualları sizə vətəndaşların çoxu ünvanlamaq istərdi. Tələb edirik, cavablandırın.