Cənab Janes Lenarçik
ATƏT-in Demokratik Təsisatlar və İnsan Haqları Bürosunun (DTİHB) müdirinə
14 Fevral 2013
Hörmətli Cənab Janes Lenarçik
Azərbaycanda 2013-cü il oktyabr ortasında növbəti prezident seçkiləri keçiriləcəkdir. Bütün DTİHB müşahidə hesabatlarından göründüyü kimi, ölkənin seçki tarixçəsi ədalət və azadlıq baxımından bərbaddır. Hərəkatımızın sədri İlqar Məmmədovun bu günlərdəki həbsi hər hansı tərəqqi perspektivini daha da daraldır.
Bir neçə ay əvvəl İlqar Məmmədovu prezidentliyə namizədimiz qismində ictimaiyyətə təqdim elədik və onun rəsmən 2013-cü il fevralın 9-da namizəd elan edəcəyimizi bildirdik.
Lakin, 2013-cü il fevralın 4-də o, iki ay müddətinə həbs edildi. Ona qarşı uydurma ittiham məhkəmə tərəfindən dəstəklənsə, o, yeddi ilə qədər azadlıqdan məhrum edilə bilər. Siyasi məhbus istehsalçısı kimi fəaliyyət göstərən Azərbaycan məhkəmələrinin dərin problemləri haqqında Sizin Büro yaxşı məlumatlıdır.
Bir sıra beynəlxalq təşkilat - Human Rights Watch, Amnesty International, Revenue Watch Institute və digərləri – bu siyasi həbslə bağlı ciddi tənqidlərini ifadə ediblər. Avropa Birliyinin rəhbərləri də - Catherine Ashton, Stephan Füle, Thornbjorn Jagland və başqaları – bu işə mənfi münasibətlərini bildiriblər.
Namizədimiz səsvermə gününə 8 ay qalmış, yəni seçkilərin mühüm tərəfləri üçün həlledici vaxtda həbs edilib: namizədlər gələcək donorlardan ianə öhdəliklərinin əksəriyyətini məhz indi toplayır, eləcə də 40 min qeydiyyat imzası toplamaq üçün, ümumən kampaniya aparmaq üçün, seçki gününə aid fəaliyyətləri qurmaq üçün inzibati və kadr hazırlıqlarını məhz indi həyata keçirirlər.
İ.Məmmədov dərhal azad edilməsə, bu seçkidəki nəticəmizə ən güclü formada mənfi təsir göstərəcəkdir.
İ.Məmmədovun dərhal sərbəst buraxılması üçün, seçkilərin demokratikliyi sahəsində Azərbaycanın öz beynəlxalq öhdəliklərini yerinə yetirməsi üçün Azərbaycan hakimiyyətinə bütün mümkün siyasi təsirlərin göstərilməsini və digər uyğun addımların atılmasını ATƏT-in Demokratik Təsisatlar və İnsan Haqları Bürosundan xahiş edirik.
Respublikaçı Alternativ (REAL) Hərəkatının İdarə Heyəti:
Erkin Qədirli Emin Hüseynov
Natiq Cəfərli Altay Göyüşov
Zöhrab İsmayıl Azər Qasımlı
Rəsul Cəfərov Azər Mehtiyev
Rövşən Ağayev Cəsur Sümerinli
Xalid Bağırov
Söz istəyirəm
-
Londona yeni gəldiyimdən vaxt dəyişiliyinə görə yuxum pozulub. Gecə oyanmışdım. Bir qayda olaraq telefonu söndürürəm. Bakı ilə 4 saat zaman fərqi var. Erkən zənglər olur. Sankı ürəyimə dammışdı. Ötən gecə telefonu açıq qoymuşdum. Gecə yarısı yarımyuxulu fb-yə baxanda Şəmşad Ağanın şəklini gördüm.
-
Azərbaycanda iqtidaryönümlü mətbuatın özünəməxsus və lazımınca qiymətləndirilməyən keyfiyyətləri var.
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
Rəy yaz