Sahib Məmmədova milyonlar və Sumqayıt haqqında

Sahib Məmmədov 1993-cü ildə Elçibəyin Prezident Administrasiyasının inzibati orqanlar üzrə şöbə müdiri olarkən Sumqayıt haqqında film çəkilməsi üçün mənə vəsait ayrılması haqqında vəsatət qaldırdığı haqqında dediyi və aznews.az-da yayılan məlumatı facebook-da təsdiq edib. Bu faktı təkzib edirəm və Məmmədovun fantaziyasının məhsulu hesab edirəm, bu da səbəbi:

O yazır ki, guya mən dəfələrlə onun qəbul otağında oturub, onu gözləmişəm və filmin çəkilməsi üçün vəsait ayrılmasını xahiş etmişəm.

Mən yalnız prezidentin qəbul otağında oturmalı olmuşam, vəssəlam. Danışmaq istədiyim bir şey olsaydı, 3 və ya dördrəqəmli daxili nömrəyə zəng edərdim. Belə müəssisələrdə işləyən istənilən şəxs məhz belə edərdi.

Məmmədov yazır ki, mənim hansısa şirkətimin adına filmin çəkilişi üçün milyonlarla manat vəsait ayrılıb. Söhbət 1992-ci ildə devalvasiyaya məruz qalmamış sovet rublundan və 1993-dən sonra 5000 dəfə dəyər itirən Azərbaycan manatından gedmir. Bu, ciddi məbləğdir (1 manat = 10 rubl) və heç bir müəssisə, prezident zəng etsə belə, bu qədər vəsait ayıra bilməzdi. Bundan başqa, mənim agentlikdən başqa tərəfimdən təsis edilən heç bir firmam olmayıb. Ədliyyə və Vergilər nazirlikləri də bunu təsdiq edə bilər. Belə olan halda, Məmmədov kimin göstəriş verdiyini, vəsaiti kimin və haraya köçürdüyünü açıqlamalıdır.

Məmmədov yazır ki, sonradan hakimiyyət dəyişdikdən sonra mən Xalq Cəbhəsinin binasında kirayə yer götürdüm, onun girişi Rəşid Behbudov teatrı tərəfindən idi və ayrılmış vəsaiti oraya və agentliyə yatırdım. Bu da doğru deyil. Nə şəxsən mən, nə agentlik sözügedən yeri kirayə götürməyib və oraya heç bir vəsait yatırmayıb. Bina idarəsində olan "Azadlıq" qəzetinin redaksiyasını bunu təsdiq edə bilər. Və bu, Məmmədovun iddia etdiyi kimi, AXC-nin binası deyildi.

Məmmədov iddia edir ki, mən ona hörmət edirdim və həmişə köməyinə görə minnətdarlıq etmişəm. Mən heç nəyə görə, heç bir minnətdarlıq etməmişəm. Amma onun mənə açıq-aşkar düşmən münasibəti var, bu, yazdıqlarından görünür. Bunun da öz tarixçəsi var, Açıq Cəmiyyət İnstitutu - Azərbaycanın idarə heyətinin sədri olarkən mən Demokratik Təsisatlar və İnsan Haqları İctimai Birliyinin rəhbəri Elçin Abdullayevin şikayəti əsasında ACİ-nin Məmmədovun daxil olduğu komissiyasında ciddi nöqsanlar aşkar etdim. Mən bunu içtimayətləşdirmədim, amma komissiya üzvlərinin qeyri-etik davranışının qarşısını aldım. Düşünürəm ki, Abdullayev özü bu məsələ ilə bağlı daha konkret fikir bildirə bilər.

Məmmədovun nəzərinə çatdırım ki, ictimai əlaqələr sektorunun müdiri olaraq mən milli maraqlara və dövlət maraqlarına təhlükənin qarşısını almaq məqsədilə bir təşkilat üçün vəsait ayrılması haqqında Bakı müəssisələrindən birinin rəhbərinə müraciət etməli olmuşdum. Söhbətin nədən getdiyini yalnız maraqlı dövlət orqanlarına bildirə bilərəm. Şəxsi məsələlər üçün heç kimə kömək xahişilə müraciət etməmişəm.

Və nəhayət, bəziləri soruşurlar ki, necə olur ki, Mehman Əliyev prezident aparatında işlədiyi halda Məmmədovla tanış olmur? Məmmədov aparatda işə 1993-cü ilin mayında - dövlət çevrilişindən bir ay əvvəl başlayıb və bizim onunla münasibətimiz olmayıb. Buna ehtiyac olmayıb.

Sahib Məmmədov: Mehman Əliyev mən Prezident aparatında Ərazi-İdarəetmə orqanları ilə iş şöbəsinin müdiri olanda (onda o Prezidentin Mətbuat xidmətinin əməkdaşı idi) 4 dəfə qəbuluma gəlib. Gəlib deyəndə mən işə gələndə görürdüm oturub gözləyir. Film çəkilməsi ilə bağlı ona yardım etmək xahişi edib. Mən də Sumqayır, Nərimanov, Səbail rayon icra hakimiyyəti başçılarına müəssisələrdən pul köçürülməsi ilə bağlı tapşırıq vermişəm. Pullar da köçürülüb. Sonra Mehman bir neçə dəfə də gəlib ki, pul bir neçə milyon manat rubl çatmır. Mən təkrar Sumqayıt İH başçısına bir də demişəm. O da mənə məlumat verib ki, biz köçürürük, amma bu hesab Mehman Əliyevin təsis etdiyi firmanın hesabıdır. Sonra söz-söhbət olar. Mən də təminat vermişəm ki, narahat olmayın, vacib film çəkiləcək. Sonra iyun hadisələri baş verib. Mehman həmin pulu ölü vəziyyətdə olan "Turan" agentliyinin dirçəldilməsinə yönəldib. O zaman "Azadlıq"qəzeti yerləşən binanın Mahnı Teatırı olan tərəfindən (AXC-nin ilk qərərgahı) giriş tərəfini icraəyə götürüb, o düöv üçün ən müasir avadanlıqalar alıb, işçilərin əmək haqqını verib və s. Onun yaydığı cavabda "Turanın" Soros fondu və s. fondalar tərəfindən maliyyələşməsi fikirləri gülüncdür. Soros Fondunda o ən yaxşı halda 90-cı illərin sonunda pul ala bilərdi. Mən 1993-cü ildən danışıram. Əgər hesab edirsə belə olmayıb, onda qalır yalançının ....söymək. p.s. yeri gəlmişkən yeni avadanlıqalar boşaldılanda mən təsədüfən orda idim. Mehman mənə minnətdarlıq etməyi də unutmadı. dedi sayənidədir bunlar. O son 7-8 ilə qədər məni görəndə çox ehtiramla yaxınlaşırdı. Minnətdar olmasını da gizlətmirdi. Adam kişi olar. Yalan danışmaz.