![Sayğaclar üçün hesab](https://turan.az/resized/media/2019/main/082100021126-750-500-resize.webp)
Sayğaclar üçün hesab
AR İqtisadiyyat Nazirliyi yanında Antiinhisar Siyasəti və İstehlakçıların Hüquqlarının
Müdafiəsi Dövlət Xidmətinin rəisi Cənab Zahid İsayevə
Hörmətli cənab İsayev,
Avqustun 19-da Dövlətə məxsus "MİDA" MMC Hovsandakı yaşayış massivində yerləşən güzəştli mənzillərdə qaz, su və elektrik sayğaclarının alınması və quraşdırılması üzrə 3 müqavilə bağlamışdır.
Hər 1 elektrik, qaz və su sayğacının alınması və quraşdırılması müvafiq olaraq 407,02 manata ($239,4), 323,41 manata ($190,2) və 260,85 lmanata($153,4) başa gələcəkdir.
Müqavilə bağlamaq hüququ "Qaz Oil Building" MMC, "RF İnshaat" MMC və "Bakelekro" ASC-yə açıq tenderin nəticələrinə əsasən verilmişdir.
Yuxarıda göstərilmiş rəqəmlərə ölçü cihazları, qoşma elementləri və cihazların quraşdırılmasının qiymətləri daxildir. Bu siyahıda ən bahalı olan cihazların öşzləridir və bu, faktiki olaraq, sayğacların quraşdırılması dəyərinin həddindən artıq şişirdildiyini göstərir.
Məlumat üçün: Çin və Rusiya istehsalçıları elektrik sayğaclarını 10-$12-a satırlar-
Çin smart-sayğacı: https://russian.alibaba.com/g/smart-card-electricity-meter.html
Rusiya smart-sayğacı: http://markakachestva.ru/rating-of/1746-luchshie-schetchiki-elektroenergii.html
Çin su smart-sayğacı $10-dır: https://russian.alibaba.com/g/smart-water-meter.html
Polşa istehsalı su smart-sayğacı $13,6-dır: http://www.vebos.com.ua/catalog/item/250
Çin qaz smart-sayğacı $35-dır: https://russian.alibaba.com/g/smart-gas-meter.html
Gətirilmiş faktlarla əlaqədar olaraq, tenderin nəticələrinin ləğv olunmasını və onun dövlət və cəmiyyətin mənafeyi baxımından yenidən keçirilməsini Sizdən xahiş edirik.
Həmçinin xatırlatmaq istərdik ki, 2005-ci ilin yanvarında hökumət "Gəncə Sənaye Cihaz" ASC-ni ümumi dəyəri $50 mln. olan 1 mln. qaz sayğacının tədarükü üçün tenderin qalibi elan etmişdi. Müraciətimizdən sonra tenderə yenidən baxıldı və həmin məbləğ $24 mln.-a endirildi.
Hörmətlə, Mehman Əliyev
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz