Xətai rayonunun sakinləri Daxili İşlər Nazirliyi fəaliyyətsizlik göstərdiyinə görə piket keçirəcəklər

İctimai fəal Natalya İorina gələn həftə Daxili İşlər Nazirliyi binasının girişində etiraz piketi keçirmək niyyətindədir. N. Iorina piketə Natalya və digərlərinin iş adamı Pərvanə Novruzovanın təcavüzkar hərəkətlərindən etdikləri şikayət üzrə araşdırma aparılmadığından, yalnız gözdən pərdə asıldığından və onlara sayğısızlıq göstərildiyindən onun kimi narazı olan bir neçə qonşusunun müşayiəti ilə çıxa bilər.

"Turan"ın müxbiri ilə söhbətində N.İorina işin mahiyyətini izah etdi: Novruzova Bakı şəhəri, Xətai rayonu, Aşıq Qurban küç, 19 ünvanı üxrə 3-mərtəbəli evin həyətində ticarət obyekti tikmək istəyir. Qonşular bununla razı deyillər, çünki gələcək obyekt ümumi həyəti tutacaq.

Qonşuların şikayətlərinə cavab olaraq Novruzova və oğulları 2018-ci ilin noyabr ayında şikayətçilərə hücum edərək İorinanı və evin digər sakinlərini döyüblər, həm də ki, bu, polisin gözü qabağında və Daxili İşlər Nazirliyinin "Təhlükəsiz Şəhər" Nəzarət Sisteminin kameraları önündə baş verib. Hücum edənlər Iorinanın barmağını, telefonunu sındırıblar, Natalyanın üzünü qançır-qançır ediblər, saçlarını yolublar. Onun qonşuları da fiziki xəsarətlər alıb. Xətai Polis İdarəsinin baş müstəntiqi Samir Ağayev bütün şahidləri və N. İorinanın özünü dindirmədən cinayət işinin qaldırılmasından imtina edilməsi barədə qərar qəbul edib. Guya Natalya özü yıxılaraq barmağı və telefonunu sındırıb!

Bu vətəndaşlar şikayətlə Xətai rayon 37 saylı Polis Şöbəsinə müraciət ediblər. Fəqət, İorinanın Azərbaycan Prezidenti və daxili işlər nazirinin adına ərizə və məktub yazdığına (o, nazirə yazmışdı ki işçiləriniz Prezidentə hörmətsizlik edirlər), rayon prokurorunun müavini və Xətai Rayon Polis İdarəasinin rəisi ilə görüşdüyünə baxmayaraq, rayonun polis müstəntiqi istintaqı başa çatdırmır, iş məhkəməyə göndərilmir. Xətai Polis İdarəsinin İstintaq Şöbəsinin müdiri polkovnik Bahadur Şükürov İorinaya deyib ki, iki övladı var, tezliklə təqaüdə çıxmalıdır və Novruzovanın ona pislik etməsini istəmir və "Bu işi buradan götürmək daha yaxşı olardı".

Bu müddət ərzində Novruzova dəfələrlə qonşularını yeni repressiyalarla, təzyiq tədbirləri ilə hədələyib və polislər N.İorinaya açıq-açığına etiraf ediblər ki, Novruzovanın öhdəsindən gələ bilmirlər, çünki onun Daxili İşlər Nazirliyinin rəhbərliyində güclü himayəçisi var.

Bütün bunları "Turan"a evsiz-eşiksiz insanları xilas etməklə məşğul olan tanınmış ictimai xadim, bakılı Natalya Iorina bildlrib.

Polis qonşuların əlində olan münaqişənin səs və video yazılarını araşdırmaqdan imtina edir və küçədəki kameraların işləmədiyini deyir,halbuki o zaman daxili işlər naziri vəzifəsində çalışan Ramil Usubov "Təhlükəsiz Şəhər" kameralarının 24 saat işlədiyini deyirdi.

2019-cu il iyulun 26-da vətəndaşlar Xətai polisini Daxili İşlər Nazirliyi binasının qarşısındakı yolu kəsəcəkləri barədə xəbərdarlıq etdilər, bundan sonra istintaq yerindən tərpəndi, lakin sonra yenidən dayandırıldı.

N.İorina bunu da əlavə etdi ki, "Polis məsələni qanuni yolla həll etmək əvəzinə, vətəndaşları yeni qarşıdurmalara təhrik edir. Mən Xətai Rayon 37saylı Polis Şöbəsinin rəisi, polkovnik-leytenant Lətif Cahangirova milli zəmində təhqir olunduğumu dedikdə, mənə məsləhət verdi ki, "Putini də söyürlər,Tampı da söyürlər, dözün da". Xətai Polis Şöbəsinin rəis müavini polkovnik Ramin Hüseynov isə "Sizi söyürlər, Siz də söyün, vururlar, Şiz də vurun" - dedi. Novruzovlar bizi təhdid etdikdə isə qanunsuz hərəkətlərin qarşısını almaq üçün biz bütün qapıları döydük. Lakin polislər bütün bunları, telefonum sındırdılan günü olduğu kimi, dinməz-söyləməz müşahidə edirdilər".

N.İorina barəsində "Turan" 2019-cu ildə məlumat vermişdi http://turan.az/ext/news/2019/1/free/Social/ru/78263.htm.

Memarlıq və Şəhərsalma Komitəsində "Turan"a təsdiq etdilər ki, Aşıq Qurban küç., 19 ünvanında həyətdəki köşk ilə əlaqədar olaraq onu sökmək haqqında qərar qəbul edilib. Amma bu işlə Komitənin özü deyil, icra hakimiyyəti orqanları məşğul olur.

Bakı şəhəri Xətai Rayon İcra Hakimiyyətinin nümayəndəsi "Turan"ın müxbirini dinlədikdən sonra bildirdi ki, müraciət qeydə alınıb və yoxlama keçirmək və lazımi tədbirlər görmək üçün əraziyə Rayon Mənzil İdarəsinin nümayəndələri göndəriləcək.

Natalya İorina və Bakının digər sakinləri piketə "Polis "Polis haqqında" Qanunu pozur", "İstintaq yox - fırıldaq, adamaldatma" şüarları ilə çıxmaq niyyətindədirlər.