Mahir Abdullayevin Hüquqlarını Müdafiə Komitəsi MTN-in bəyanatlarını gözləyir

Milli Təhlükəsizlik Nazirliyi mütləq dayımın oğurlanması ilə bağlı bəyanatla çıxış edəcək, bu barədə “objective.tv”yə müsahibəsində Mahir Abdullayevin Hüquqlarını Müdafiə Komitəsinin sədri, onun bacısı oğlu Azad Mürsəliyev bildirib.

Onun sözlərinə görə, Komitə hakimiyyətin bu işi araşdırmaq niyyətində olmadığı aydın olduqdan sonra məcburiyyət qarşısında yaranıb.

Azad özü anasını müalicə üçün Kiprə aparmaq istədiyi zaman aeroportda hüquq-mühafizə orqanları tərəfindən saxlanılıb. O, məhkəmə qaydasında onu saxlayan şəxslərin əməllərinə etiraz etməyə çalışıb. İddia ərizəsinin verilməsindən 3 aydan çox vaxt keçməsinə baxmayaraq, məhkəmə istintaq hərəkətlərini martın 6-na qədər təxirə salıb.

Heç bir hüquq-müdafiə idarəsi aeroportda onun saxlanmasına görə məsuliyyəti üzərinə götürməyib, DİN-dən isə hətta səfərin qadağan edilməsi üçün əsas olmadığı barədə məktub daxil olub.

MTN mayoru Mahir Abdullayevin oğurlanması barədə çox şaiyələr gəzir, lakin konkret məlumat yoxdur – onun avtomobili tapılıb, sonuncu həmsöhbətləri və 2003-cü il oktyabrın 13-nə keçən gecə itkin düşməzdən əvvəl görüşdüyü şəxslər məlumdur.

Mürsəliyev hesab edir ki, dayısının oğurlanması cinayətkarların Elşad Abdullayevin əlindən universiteti almaq istəyi ilə bağlıdır. Mahir Abdullayevin harada olduğu məlum deyil, baxmayaraq ki, bəzi məlumatlara görə onu güc qurumlarından birinin “zirzəmisində” saxlayırdılar.

Komitet artıq MTN zabitinin oğurlanması haqqında işin ədalətli tədqiq edilməsi tələbi yer alan ərizəyə məşhur alimlərin, mədəniyyət və incəsənət xadimlərinin, ictimaiyyət nümayəndələrinin imzalarını toplayıb.

“Mən dövlət başçısına, onun həyat yoldaşına inanıram. Məhz onların müdaxiləsindən sonra xüsusi istintaq komissiyası yaradılıb ki, bu da istintaq işində irəliyə doğru bir addımdır. Mən QHT-lərə və bütünlükdə vətəndaş cəmiyyətinə inanıram. Birgə səylə ədaləti və Mahir Abdullayevin və bu iş üzrə həqiqətin axtarışında ziyan çəkmiş bütün insanların vətəndaş hüquqlarını bərpa etməyə nail olacağıq”, deyə Mürsəliyev bildirib. -17D-