![Nardaranın problemlərini onu islam ekstremizminin nümunəsi kimi təsvir edərək həll etmək olmaz](https://turan.az/resized/750/500/resize/media/2015/main/121100139928.jpg)
- Sual-cavab
- 11 Dekabr 2015, 16:37
- 80
Nardaranın problemlərini onu islam ekstremizminin nümunəsi kimi təsvir edərək həll etmək olmaz
Nardaranda amansız əməliyyat həyata keçirilməsi haqqında qərar bu qəsəbənin probleminin həllinin uğursuz üsuludur. Bu fikri Turan-ın Vaşinqton müxbirinə müsahibəsində Azərbaycan üzrə məşhur Amerikalı ekspert, Massaçusets ştatı Universitetinin professoru Odri Alştadt bildirib.
“Hesab edirəm ki, hökumətin təbliğatı yanlışdır, iqtisadi və sosial amillərin Nardaranda hazırki vəziyyətin əsas mənbəyi ola biləcəyini unudur.
Bakıdan 30 km məsafədə yerləşən bu qəsəbə təhlili ən mürəkkəb yerlərdən biridir. Şiələrin yaşadığı Nardaran hələ sovet dövründə din əleyhinə siyasəti rədd edən çox dindar insanların qəsəbəsidir.
Amma son 20 ilin tarixinə baxsaq, görə bilərik ki, Nardaranda bir çox etirazlar dini deyil,sosial-iqtisadi xarakter daşıyırdı”, deyə ekspert qeyd edib.
“Onlar dindar olduqlarına görə sosial tələblərini də çox vaxt dini formada ifadə edirdilər. Buna görə bunu dini radikalizmin təzahürü kimi təqdim etmək düzgün deyil. Onların sosial və iqtisadi problemlərinin əksəriyyətini bunsuz da həll etmək olar”, deyə ekspert bildirib.
“Baş verənləri radikalizmlə izah etməyə çalışan hökumət təbliğatını başa düşə bilərəm, amma artıq uzun illərdir cəmi 30 kilometrliyində mövcud olan problemlərə məhəl qoymayan hökuməti başa düşmürəm”, deyə o qeyd edib.
“Mən əvvəllər Bakı ətrafında və Abşeron yarımadasındakı qəsəbələrdə olmuşam və susuz və elektriksiz yaşamağın nə qədər çətin olduğunu təsəvvür edirəm.
Elektrik enerjisi və qazı kəsərək, bütün yaşayış məntəqəsinin cəzalandırıldığı hazırki vəziyyət tamamilə anlaşılmaz görünür.
Onların tələblərinin təmin edilməsini, hökumətin isə bütün problemləri araşdırdığını görmək istərdim”, deyə o fikrini tamamlayıb. -25В-
-
- Cəmiyyət
- 11 Dekabr 2015 16:33
Sual-cavab
-
Dövlət Departamentinin nümayəndəsi, Avropa və Avrasiya məsələləri üzrə Büronun Avropa təhlükəsizliyi və siyasi məsələlər İdarəsinin direktoru Liam Uesli Turan-ın Vaşinqtondakı müxbiri Aleks Raufoğlu ilə müsahibəsində NATO-nun Ukraynanın müdafiəsi ilə bağlı planları haqqında danışıb.
-
Ölkənin ən təcrübəli dövlət və siyasət adamlarından biri Sadettin Tantan Turan İnformasiya Agentliyinin suallarını cavablandırdı
-
Al-Jazeera kanalı Türkiyə bürosunun əməkdaşı Yılmaz Akıncı “Peşimdeki melek” adlı xatirələr kitabının işıq üzü görməsindən sonra Turan İnformasiya Agentliyinin suallarını cavablandırdı
-
Sahibkarlığın və Bazar İqtisadiyyatının İnkişafına Yardım Fonduna rəhbərlik edən nüfuzlu ekspert Sabit Bağırov Turan agentliyinə eksklüziv müsahibəsində BMT-nin İqlim Dəyişikliyi haqqında Çərçivə Konvensiyasının tərəflərin 29-cu Konfransının (KX29) ev sahibi kimi ölkənin qarşıdakı roluna işıq salır.
Rəy yaz