Rusiyalı ekspert: «Ermənistan Azərbaycan ərazilərini geri verməli olacaq» - Video

  Serj Sarqsyan Dağlıq Qarabağ ətrafındakı rayonları Azərbaycana qaytarmalı olacaq. Bu barədə Rusiyanın Valday elit klubunun eksperti, REA Beynəlxalq Təhlükəsizlik Problemləri İnstitutunun baş elmi əməkdaşı, Lomonosov adına MDU-nun dünya siyasəti fakültəsinin dosenti Aleksey Fenenko Mediametrics.ru-fa müsahibəsinə bildirib.

Onun sözlərinə görə, Qarabağda aprel döyüşləri nizamlanmaya dair Madrid prinsiplərini tamamilə dəfn etdi. İndi Rusiya “danışıqlar prosesini üç hissəyə bölməyə başlayır: ayrılıqda Qarabağ barədə danışacağıq, ayrılıqda 5 rayon, ayrılıqda iki rayon (Laçın və Kəlbəcər) üzrə danışacağıq. Üç müxtəlif danışıqlar paketi olacaq. Rusiyanın hazırkı strategiyasının mahiyyəti də bundadır”.

“Rusiyanın rəsmi mövqeyi Azərbaycanın mövqeyinə yaxındır, nəunki erməni tərəfinin. RF-in mövqeyi üç məqamdan ibarətdir:

1. Biz Azərbaycanın ərazi bütövlüyünü və Dağlıq Qarabağın rəsmən Azərbaycanın tərkib hissəsi olduğunu tanıyırıq;

2. Biz problemin hərbi yolla həllinin əleyhinəyik;

3. Rusiya və KTMT-nin Ermənistana verdiyi heç bir zəmanət Qarabağa qarşı fəaliyyət göstərmir. Bunu başa düşmək üçün RF XİN-in bəyanatını oxumaq yetərlidir”, - rusiyalı ekspert vurğulayıb.

Fenenkonun sözlərinə görə, Moskvada Sarqsyana qarşı narazılıq artır. “Ancaq əgər biz daim Ermənistana təzyiq göstərsək Ermənistan qəzəblənəcək və biz Rusiyaya qarşı çıxan növbəti bir dövlət qazanmış olacağıq”, - Valday klubunun eksperti qeyd eib. Eyni zamanda o bildirib ki, Moskva Ermənistana daha çox təzyiq göstərir, nəinki Azərbaycana.

Mediametrics.ru aparıcısının  “niyə Qarabağ danışıqlarının detalları gizli saxlanılır” sualının cavabında Fenenko deyib ki, RF hakimiyyəti Rusiya ictimaiyyətinin narazılığından da ehtiyat edir. Belə ki o, Kremli növbəti müttəfiqini təslim etməkdə ittiham edər. Onun düşüncələrinə görə, Qarabağ ətrafında danışıqlar prosesinə 2017-ci il fevral-mart aylarına qədər aydınlıq gətirilməlidir. Buna qədərsə Qarabağ cəbhəsində böyük eskalasiya gözlənilmir.-02D-