Uydurma ittihamlar müxalifətçi gənclərin siyasi fəallığını azaltmayacaq

“Hüquq-mühafizə orqanları müxalifətçi gəncləri siyasi həyatda iştirakdan  çəkindirmək üçün onları uydurma ittihamlarla təqib edir”, - Xalq Cəbhəsi Partiyasının Gənclər Komitəsinin üzvü Dəyanət Babayev “Obyektiv TV”yə (obyektiv.tv) müsahibəsində deyib.

Son günlər o, iki dəfə saxlanılıb. Birinci dəfə 7 sutka həbs cəzası alıb (17 noyabr etiraz aksiyasından sonra). İkinci dəfə  həbs müddəti bitdikdən sonra noyabrın 24-də vətəndaş Tofiq Səlimovun bəyanatı əsasında həbs edilib. Guya bir qrup şəxslə T.Səlimovu döyüb (CM-in 221.2.1 maddəsi). 

Vəkil Əsabəli Mustafayev qeyd edib ki, sözügedən hadisələr guya noyabrın 7-də baş verib, lakin D.Babayevi iki həftə sonra həbs ediblər. Bundan sonra “zərərçəkən”in bədənində döyülmə əlaməti yoxdur. Bununla belə, Nəsimi məhkəməsi (hakim Azər Paşayev) D.Babayevdən bir yana çıxmamaq haqda iltizam alıb və istintaqın davam edəcəyini bildirib. 

Məhkəmə 2-3 aydan sonra davam edəcək ki, bu da həmin müddətdə D.Babayevin siyasi fəallığının “dondurulması” deməkdir.

Fəal məhkəmənin və hüquq-mühafizə orqanlarının hərəkətini əsassız və ədalətsiz hesab edir, siyasi fəaliyyətini  dayandırmaq niyyətində olmadığını bəyan edir. 17D—