Rəsmi Bakı Minsk Qrupu həmsədrlərinin səfərinin yekunlarından razı deyil

Azərbaycan XİN rəhbəri Elmar Məmmədyarov ATƏT-in Minsk Qrupu həmsədrlərinin regiona son səfərini skeptik qiymətləndirib. Onun sözlərinə görə, həmsədrlərin Ermənistana son səfəri optimizm üçün əsas vermir.

E.Məmmədyarov hesab edir ki, Ermənistan “geriyə bir addım da” prinsipindən imtina etməlidir və yaranmış status-kvo dəyişməlidir. Münaqişənin nizamlanmaması hadisələrin “arzuolunmaz məcrada” inkişafına gətirib çıxara bilər. 

Azərbaycan əvvəlki kimi hesab edir ki dinc nizamlanma prosesinin irəliləməsi üçün erməni qoşunları işğal olunmuş ərazilərdən çıxarılmalıdır. Bu mövqe həmsədr ölkələrin prezidentlərinin bəyanatlarında da dəfələrlə səslənib.

Əgər Ermənistan doğrudan da Akvildə “Böyük səkkizliyin” sammitində ABŞ, Rusiya və Fransa rəhbərləri tərəfindən irəli sürülən təklifləri qəbul etməyə hazırdırsa onda sülh sazişinin imzalanma vaxtı çatıb.

Azərbaycan sazişin mətni üzərində işə başlamağa hazırdır. E.Məmmədyarov qeyd edib ki, nizamlanmaya dair digər bəndlər üzrə sonrakı danışıqlar davam etdirilməklə erməni qoşunların işğal olunmuş ərazilərdən çıxarılmasına başlanmalıdır.

Öz növbəsində Prezident Administrasiyasının beynəlxalq münasibətlər şöbəsinin rəhbəri Novruz Məmmədov  erməni tərəfini danışıqları süni yubatmaqda ittiham edib.—06D--