Vahid Əhmədov: �Beynəlxalq Bankın sağlamlaşdırılması xalqın hesabına olacaq�

Bakı/16.05.17/Turan: Azərbaycan Beynəlxalq Bankı (ABB) sağlamlaşdırılmalı və özəlləşdirilməlidir. Bunu parlamentin İqtisadi siyasət komitəsinin üzvü Vahid Əhmədov Turan-ın müxbirilə söhbətində bildirib.

Ölkənin iri maliyyə qurumu ilə bağlı yaranan böhranı şərh edən V.Əhmədov deyib ki, son illər ABB "ölkənin maliyyə sferasına çox mənfi təsir göstərib".

"ABB-nin çoxlu qeyri-işlək aktivləri, xarici kreditor borcları, problemli kreditləti var.

Üstəlik, bankda işgüzar dairələrin, dövlət və vətəndaşların böyük vəsaitləri yerləşdirilib. Odur ki, bankın sağlamlaşdırılması olduqca vacibdir", - o vurğulayıb.

Dövlət ABB-nin xarici kreditorlara olan borclarını öz üzərinə götürüb və bu, ya dövlət büdcəsinin, ya da Neft Fondunun hesabına ödəniləcək. İstənilən halda bu, xalqın puludur.

Deputatın sözlərinə görə, sağlamlaşdırmadan sonra özəlləşdirmə xarici investorlarda maraq oyada və ölkəyə valyuta cəlb edə bilər.

Xatırladaq ki, mayın əvvəlində ABB ABŞ-da xarici investorlara olan borcunun restrukturizasiyaı ilə bağlı Nyu-York məhkəməsinə müraciət edib. Öz növbəsində dövlət bankın borcunun ödənilməsilə bağlı öhdəlikləri öz üzərinə götürüb.-05B06-