ВР Azərbaycanın strateji tərəfdaşı olaraq qalmaqdadır

BP şirkəti bu regionda uzunmüddətli neft hasilatı perspektivlərini hədəf alıb. Məhz buna görə “BP Azərbaycan”ın rəsmi nümayəndəsi ölkəmizə sadiq olduğunu bildirib, deyə obyektiv.tv-yə müsahibəsində ekspert İlham Şaban bildirib.

Onun sözlərinə görə, BP-nin neft hasilatı səviyyəsi proqnozlaşdırıldığından 9-10% azdır, lakin quruda fəaliyyət göstərən operatorlar proqnozlaşdırılan həcmin 45%-ə qədərini vermirlər. Tənqidin əsas səbəbi britaniyalıların konsorsiumun əsas operatoru qismində ixrac olunan neft və qazın 80%-dən çoxunu hasil edir. Yalnız bir il ərzində bir barelin qiyməti 110 dollar olduğu halda dövlət neft fondunun ehtiyatları 19,5 mlrd. dollara çatdı. Uzun müddət qiymətlər daha yüksək idi, buna görə proqnozlaşdırılan nəticələrdən geri qalma milyardlarla alınmamış valyuta ilə ifadə olunur.

Şirkət hər il hesabatlar təqdim edir, bu hesabatlarda proqnozlarla bağlı öhdəliklər, onların yerinə yetirilməməsi haqqında bir kəlimə belə yoxdur. Ötən ilin sonlarından 2012-ci il London olimpiadasına qədər İlham Əliyev dörd dəfə BP şirkətlər qrupunun prezidenti Robert Dadli ilə görüşüb. Alınmış məlumatlara görə, görüşlərin yüksək intensivliyi BP-nin yeni layihələrdə iştirak etmək, “Azəri-Çıraq-Günəşli” qaz yataqlarının dərin təbəqələri əsasında müqavilə bağlamaq və beynəlxalq TANAP layihəsində pay almaq niyyəti ilə şərtlənib. 

Yüksək səviyyəli görüşlərin nəticəsi kimi oktyabrın 5-də BP və Azərbaycan Dövlət Neft Şirkəti arasında birgə kəşfiyyat işləri nəzərdə tutan çərçivə müqaviləsi imzalanıb.

Azərbaycan prezidentinin qəzəbinə strateji biznes maraqlarının, xüsusən, Rusiyanın TNK-BP şirkəti ilə bağlı maraqların üst-üstə düşməməsi səbəb ola bilərdi. Lakin birgə müqavilələrin sayından göründüyü kimi, anlaşılmazlıqlar aradan qaldırılacaq və şirkət Azərbaycanın ən etibarlı strateji tərəfdaşları arasında qalacaq, ekspert belə hesab edir. -17D- 

https://www.youtube.com/v/KQDrmmhi29s?version=3&hl=en_US