Cümə günü İctimai Palatanın ölkə parlamentinin binası qarşısında təşkil etdiyi etiraz aksiyasının on iki iştirakçısı polisə tabe olmamaq ittihamı ilə inzibati məsuliyyət tədbirlərinə cəlb olunub.
Beş nəfər cərimə olunub, yeddi nəfərə xəbərdarlıq edilib.
Bundan əlavə, 10 nəfər bir qədər saxlandıqdan sonra buraxılıb
Qeyd edək ki, fəalların bir hissəsi parlamentin binası qarşısında, digərləri Hüseyn Cavid prospektində saxlanılıb. Belə ki, oradan yürüş ilə parlamentə doğru hərəkət etmək istəyiblər.
DİN saxlananların sayı barədə açıqlama vermir.
Aksiya parlamentin qanunvericiliyə etdiyi düzəlişlərə etiraz olaraq keçirilib. Həmin düzəlişlər icazəsiz mitinqlərdə iştiraka görə cərimənin on dəfə artırılmasını nəzərdə tutur.
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz