2012/13-cü dərs ili başlayır

Sentyabrın 15-də Azərbaycanın orta və ali məktəblərində növbəti dərs ili başlayır. 2004-cü ildən etibarən bu gün ölkə prezidenti tərəfindən Bilik Günü elan edilib.

İlk zəng 4505 məktəbdə çalınacaq, parta arxasına 1,3 mln. şagird əyləşəcək. 130 min birinci sinif şagirdi ilk dəfə məktəb qapısından girəcək, onların dörddə biri paytaxtdadır.

Ümumilikdə ölkədə şagirdlərin sayı 5 min nəfər artıb, son illər bu göstərici hər il dəyişməz qalır.

162 orta məktəb ilk dəfə qapılarını məktəblilərin üzünə  açacaq, 103 məktəb isə əsaslı təmirdən sonra şagirdləri qəbul edəcək.

Bu il 31994 abituriyent ali məktəblərə daxil olub, onların 7 min nəfəri 50 ölkədən əcnəbi tələbədir. Əcnəbi tələbələrin sayı ildən ilə artır.

Cümə günü keçirilən mətbuat konfransında TQDK sədri Məleykə ABbaszadə 2012/13-cü dərs ilində yeniliklər arasında 9-cu siniflər üçün təkrar imtahanların payızdan yaza keçirilməsini qeyd edib. O, bunu şagirdlərin tədris ili başa çatdıqdan dərhal sonra orta ixtisas məktəblərinə qəbul olunası üçün şərait yaradılması zərurəti ilə izah edib.

Abbaszadə həmçinin bildirib ki, bu il 117363 9-cu sinif məzununun 81%-i məktəblərdə təhsili davam etdirməyə imkan verən nəticə göstərib. Maraqlıdır ki, ən pis nəticələr ana dili üzrə imtahanlarda göstərilib.

Oktyabrda məktəblərdə buraxılış imtahanlarının TQDK tərəfindən işlənib hazırlanmış yeni qaydalarının təsdiq ediləcəyi gözlənilir. Lakin Abbaszadə bu qanunların nədən ibarət olduğunu açıqlamayıb. -0-