Vətəndaş Həmrəyliyi Partiyası (VHP) Müsavat Partiyasının üzvü Nigar Yaqublunun həbsi ilə bağlı bəyanat yayıb.
Sənəddə Müsavat Partiyasının Məclis üzvü Aydın Acalovun ölümü ilə nəticələnən yol-nəqliyyat hadisəsinə görə N.Yaqublu barəsində həbs qətimkan tədbiri seçilməsi pislənilir. Bu tip hadisələrdə ölkədə hər-hansı bir şəxsin, xüsusilə gənc bir xanımın həbsi presedenti olmadığına diqqət çəkilir. Analoji hadisəyə görə N.Yaqublunun həbsə alınmasının siyasi motivli olması ehtimalı yaratdığı xatırladılır.
Ölkə iqtidarı siyasi rəqibə qarşı indiyə qədər qeyri-demokratik vasitələrdən istifadə etsə də, milli-mənəvi dəyərləri qorumağa çalışıb. Müsavat Partiyası başqanının müavini Tofiq Yaqublunun qızı N.Yaqublunun həbsi hakimiyyətin bu sahədə illərlə qoruduğu milli dəyəri pozması anlamına gəlir.
Bəyanatda belə presedentin yaranmasından ciddi narahatlıq ifadə edilir. Bu hal milli dəyərlərə xüsusi önəm verən Azərbaycanda arzuolunmaz mübarizə üsulu yaranması təhlükəsi doğurur.
Bundan irəli gələrək, müəlliflər ölkə iqtidarını vətəndaş sülhünün güclənməsi, milli-əxlaqi dəyərlərə hörmət olaraq hadisəyə müdaxilə etməklə, uyğun qərar qəbul etməyi xahiş edir. -0-
Siyasət
-
"Kanal 11" internet televiziyasının rəhbəri Teymur Kərimov və onunla birlikdə mühakimə olunan İstək Totiyevanın cinayət işi üzrə məhkəmə prosesi dekabrın 28-də çatıb.
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
Rəy yaz