![21 məhbus şərti olaraq vaxtından əvvəl azadlığa buraxılmaq üçün tövsiyə olunub](https://turan.az/resized/media/2015/main/100700132038-750-500-resize.webp)
21 məhbus şərti olaraq vaxtından əvvəl azadlığa buraxılmaq üçün tövsiyə olunub
Oktyabrın 6-da 11 saylı cəzaçəkmə müəssisəsində məhbusların şərti olaraq vaxtından əvvəl azadlığa buraxılması üzrə komissiyanın iclası keçirilib. Bu barədə Azərbaycan Hüquq-Müdafiə Mərkəzi məlumat verib.
Komissiyaya ciddi rejimdə saxlanılan və cəzasının ¾-nü çəkən 25 dustağın ərizəsi daxil olub. Müzakirələrin nəticələrinə əsasən onlardan 21-i şərti olaraq vaxtından əvvəl azadlığa buraxılmaq üçün tövsiyə edilib.
Ərizələrə baxılmanın nəticələrini şərh edən komissiya üzrə Zəlihə Tahirova qeyd edib ki, bir halda 5 ildən çox müddətdə dövlətə ödənilməyən 1140 manat həcmində, digər halda isə zərərçəkənə ödənilməyən 2500 manat borcun olması imtinaya əsas kimi götürülüb. Digər bir halda məhbus 11 ildə 48 töhmət və 3 rəğbət qazanıb. Başqa hal da olub ki, narkoticarətə görə mühakimə olunan şəxsə onun hərbi xidmətlərinə, əlilliyinə və azyaşlı uşaqları olmasına görə güzəştə gedilib. Onun cəza müddəti xeyli azaldılıb, lakin bir qədər sonra o, koloniyaya heroin keçirilməsini təşkil edib. Belə hallarda komissiya həmin məhkumun cəmiyyətə qayıtmağa hazır olmasına şübhə ilə yanaşır.
2013-cü ildə yaradılan komissiya Ədliyyə Nazirliyinin müxtəlif idarələrinin məmurlarından və vətəndaş cəmiyyəti fəallarından ibarətdir. Müraciətlərə baxılarkən cinayətin xarakteri, sağlamlıq durumu, ödənilməyən zərərin olması, zərərçəkənlə barışıq, hökmün icra olunduğu müddətdə cəzaların xarakteri kimi amillər nəzərə alınır.
Komissiyanın rəyinin əks olunduğu sənəd məhkumun ərizəsi və xasiyyətnaməsilə birlikdə məhkəməyə təqdim edilir. Komissiyanın tövsiyə etdiyi məhbusların məhkəmədə böyük şansları (90%-dən çox) olur ki, bu da şərti olaraq vaxtından əvvəl azadlığa buraxılma məsələsini həll edir.-0-
-
- İqtisadiyyat
- 7 Oktyabr 2015 14:10
-
- Cəmiyyət
- 7 Oktyabr 2015 14:35
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz