SOCAR SAP ERP bazasında müəssisənin idarə olunması üzrə sistemi işə salıb

Dünyanın 50 iri neft şirkəti sırasına daxil olan Azərbaycan Dövlət Neft Şirkəti (SOCAR) dünyada konsaltinq xidmətləri üzrə liderlərdən biri olan PwC şirkətinin, həmçinin korporativ əlavələr bazarının liderlərindən biri  SAP şirkətinin dəstəyilə SAP ERP bazasında müəssisələrin idarə olunması üzrə sistemin istismara verildiyini elan edib.

Qaz və neft yataqlarının kəşfi və işlənməsi üzrə istehsalat birliyi SOCAR-ın SAP ERP-in tətbiq edildiyi iri müəssisəsinə çevrilib.

SAP ERP əl ilə yerinə yetirilən əməliyyatların payının azaldılmasına, biznes- proseslərin unifikasiyasına və bir sıra vəzifələrin icrasının,  o cümlədən insan amilinin təsirinin azaldılması hesabına icrasının sürətləndirilməsinə imkan verir. Yaxın bir neçə ayda sistemin yeni funksional imkanlarından şirkətin digər müəssisələrində də istifadə olunacaq. 

İnkişaf tempinin artırılması üçün SOCAR innovasiya İT həllərindən fəal istifadə edir: 2008-ci ildən şirkətdə miqyaslı biznes-transformasiya proqramı və SAP həllərinin bazasında biznes-proseslərin avtomatlaşdırılması həyata keçirilir. Bu çərçivədə maliyyə və idarəçilik fəaliyyəti prosesləri, xarici logistika və personalın idarə olunması, həmçinin hesabatlılıq və sənəd dövriyyəsi avtomatlaşdırılıb.

SAP həllərindən istifadə SOCAR-ın yeni şəffaflıq səviyyəsinin və biznes-proseslərinin effektivliyinin əsasına çevrilib ki, bu da xarici investorların köməyilə biznesin inkişafı üçün əlverişli şəraitin yaradılmasına, həmçinin ölkə üçün strateji önəm daşıyan iri layihələrin reallaşmasına imkan verir, SOCAR-ın iqtisadi məsələlər üzrə vitse-prezidenti Süleyman Qasımov bildirib. 

SAP həllərinin tətbiqinin əsas nəticələri sırasında SOCAR rəhbərliyi beynəlxalq maliyyə  hesabatlılığı standartlarının tətbiqini, şirkətin fəaliyyətinin müxtəlif sahələrini əhatə edən əsas biznes proseslərinin qurulması üzrə sahə standartlarının mənimsənilməsini fərqləndirir. Biznes-transformasiya üzrə aparılan işlərin sayəsində SOCAR dünyanın Fitch Ratings, Moody’s və Standard and Poor’s kimi aparıcı reytinq şirkətlərinin

“BBB-/stabil”, “Ba1/stabil” və “BB + /müsbət” reytinqlərini alıb.

 Total, BP, Statoil daxil olmaqla dünyanın bir çox iri neft-qaz şirkəti SAP həllərindən istifadə edir. SAP üçün bu şirkətlər strateji müştərilər sayılır, SOCAR üçün isə biznes-tərəfdaşlardır. Ən yaxşı dünya praktikası üzərində qurulmuş vahid eko-sistemdə iş əməkdaşlığın effektivliyini mühüm dərəcədə artırır və birgə layihələrin həyata keçirilməsini asanlaşdırır, SAP MDB baş direktoru Vraçeslav Orexov bildirib.

Azərbaycan prezidenti İlham Əliyevin müvafiq fərmanına əsasən bütün dövlət müəssisələri 2007-ci ildən beynəlxalq maliyyə hesabatlılığı standartlarına keçib. Miqyaslı layihə holdinqin transformasiyası prosesində mühüm pilləyə və bu ilin əvvəlində dövlət başçısı İlham Əliyevin söylədiyi mühüm strateji istiqamətlərdən birinin – dövlət şirkətlərində idarə oluna bilmənin artırılması - reallaşmasında əlamətdar hadisəyə çevrilib, SAP-ın məlumatında bildirilir. —0—