Açiq mənbələrdən foto.
4 AXCP fəalının apellyasiya şikayətləri təmin edilməyib
Bakı/13.08.20/Turan: Bu gün Bakı Apellyasiya Məhkəməsi Xalq Cəbhəsi Partiyasının (AXCP) təşkilat şöbəsinin üzvü Elnur Yusubovun inzibati həbsindən verdiyi şikayəti təmin etməyib.
O, iyulun 26-da saxlanılıb və karantin rejimini pozmaq ittihamı ilə 30 gün müddətinə həbs edilib.
AXCP-dən verilən məlumata görə, şikayətə baxılması prosesində iştirak edən Yusubov onun inzibati xəta törətməsi haqqında protokolun saxtalaşdırıldığını bəyan edib.
Yusubov öz həbsini 15 iyul “Qarabağ aksiyasından” sonra AXCP-yə qarşı başlamış repressiyalar kampaniyasının tərkib hissəsi kimi qiymətləndirib.
Qeyd edək ki, Yusubovun himayəsində azyaşlı uşağı var və qanun bu kateqoriyadan olan şəxsləri inzibati həbsə məkum etməyi qadağan edir. Buna baxmayaraq, məhkəmə onun şikayətini təmin etməyib və müdafiə tərəfi Avropa İnsan Hüquqları Məhkəməsinə müraciət etmək niyyətindədir.
Dünən Bakı Apellyasiya Məhkəməsində digər üç AXCP üzvünün – Sarvan Cumayev, Babək Muradov və Yaşar Kərimovun 30 günlük inzibati həbslərindən verilmiş şikayətlər də təmin edilməyib. Onlar da iyulun sonlarında karantin rejimini pozmaq ittihamı ilə həbs ediliblər. Bu zaman onların saxlanılması 2-3 gün sonra rəsmiləşdirilib. Onlar da AİHM-ə müraciət edəcəklər, deyə AXCP-dən bildiriblər. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz