Ölkənin aran rayonlarında havanın temperaturu +42 dərəcəyə çatsa da, Ələt-Astara avtomobil yolunda inşaat işləri davam edir. İşlər İtaliyanın Todini şirkəti tərəfindən həyata keçirilir.
Salyanda fəaliyyət göstərən regional “Demokratiyaya yardım” QHT-nin sədri Emil Məmmədov bunu Əmək Məcəlləsinin pozulması adlandırıb. Belə ki, qanunla 40 dərəcədən yüksək temperaturda açıq havada işləmək qadağan edilir.
O, həmçinin bildirib ki, inşaatçıların iş günü 11 saata qədər uzadılıb. Bu zaman onlara həftədə bir gün istirahət verilir. Fəhlələrə normadan artıq işə görə əlavə ödəniş verilmədən, aylıq 450-500 manat maaş verilir.
Məmmədovun sözlərinə görə, layihə rəhbərinin köməkçisi Yunis Axroyev sözügedən faktlarla bağlı şərh vermək xahişinə cavabda “bütün baş verənlərin fəhlələrin öz razılığı ilə olduğunu” bildirib.
Dövlət Əmək Müfəttişliyinin Ərazi İdarəsində bu məsələlərin Baş Müfəttişlik İdarəsinin səlahiyyətində olduğunu əsas gətirərək, şərh verməkdən imtina ediblər.
Qeyd edək ki, Ələt-Astara yolunun tikintisində işləyən fəhlələr dəfələrlə hüquqlarının pozulması ilə əlaqədar etiraz aksiyaları keçiriblər.
Bir neçə ay əvvəl yerli fəhlələri təhqir edən Todini şirkətinin Salyan ofisinin rəhbəri Brakoletti qovulub. Lakin fəhlələrin hüquqları sahəsində vəziyyət çox az dəyişib və yerli işçilərə qarşı ayrı-seçkilik davam edir.
Belə ki, eyni işə görə azərbaycanlı buldozerçi 1000-1100 AZN aldığı halda, xarici ölkələrdən gətirilmiş buldozerçilərə 2000 AZN maaş ödənilir.
Ələt-Astara yolunun 112 km-lik hissəsi (Bakının cənubunda 70-ci km-də nəqliyyat qovşağından İran sərhədinə qədər) Dünya Bankı tərəfindən maliyyələşdirilir. Ələt-Astara yolunun tikintisi 2011-ci ilin fevralında başlayıb və 2013-cü ildə başa çatacaq.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz