![ABB-nin keçmiş sədri hələ də karserdədir](https://turan.az/resized/media/2017/main/100200004736-750-500-resize.webp)
ABB-nin keçmiş sədri hələ də karserdədir
Bakı/02.10.17/Turan: Azərbaycan Beynəlxalq Bankının keçmiş sədri Cahangir Hacıyevin bacısı Əminə Hacıyeva oktyabrın 2-də 13 saylı cəzaçəkmə müəssisəsində qardaşı ilə görüşə bilməyib, baxmayaraq ki, bazar ertəsi günləri onun doğmaları ilə görüş günüdür.
Əminə Hacıyevanın Turan-a verdiyi məlumata görə, onun görüşdən imtinanın səbəblərini açıqlamaq barədə israrlı tələblərindən sonra cəzaçəkmə müəssisəsinin rəhbərliyi ilk dəfə təsdiq edib ki, keçmiş bankir karserə salınıb. Amma cəzanın səbəbini ona bildirməyiblər.
Ə.Hacıyeva özü hesab edir ki, qardaşını KİV-də dərc olunan müsahibəsinə görə cəza kamerasına salıblar. "Haqqin.az qardaşımın 15 mlrd. mənimsədiyini yazdıqdan sonra o, mətbuatda çıxış edib. Qardaşım bunun həqiqət olmaması barədə mövqeyini açıqlayıb. O, özünü müdafiə etmək üçün çıxış edib", deyə Ə.Hacıyeva bildirib.
Onun sözlərinə görə, cəzaçəkmə müəssisəsinin əməkdaşları Hacıyev üçün yemək və isti geyimi qəbul etməkdən imtina ediblər.
"Yaxşı, yeməyi qəbul etmədilər, - Cahangir aclıq edir, bəs isti geyimi niyə qəbul etmirlər, axı o, orada yay paltarları ilə qalıb?..", deyə o bildirib.
Doğmalarının sözlərinə görə, C.Hacıyec sentyabrın 26-da karserə salınıb. Həmin vaxtdan etibarən vəkillər onun yanına buraxılmır.
Penitensiar Xidmət hələlik Hacıyevin vəkillərinin və bacısının bəyanatlarını şərh etməyib.
2015-ci ildə ABB-də böyük maliyyə pozuntuları və xaricə kapital axını aşkarlanıb. ABB-nin keçmiş sədri Cahangir Hacıyev 15 il müddətinə azadlıqdan məhrum edilib, amma özünü təqsirli bilməyib. Onunla birlikdə ABB-nin bir sıra filiallarının keçmiş rəhbərləri azadlıqdan məhrumetmə cəzasına məhkum edilib. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz