Bakı/26.09.18/Turan: Ali Məhkəmə sentyabrın 26-da Hafiz Nəsibovun sədrliyi ilə jam.az saytının rəhbəri Fikrət Fərəməzoğlunun (İbişbəyli) kassasiya şikayətinə baxıb.
Jurnalist 2016-cı ilin iyulunda pul tələb etmə ittihamı ilə (CM-in 182-ci maddəsi) həbs edilib.
2017-ci il iyunun 14-də Bakı Ağır Cinayətlər Məhkəməsi Fərəməzoğlunu 7 il müddətinə azadlıqdan məhrum edib. Ötən ilin sentyabrında məhkəmə hökmü qüvvədə saxlayıb.
İstintaqın versiyasına görə, Fərəməzoğlu müxtəlif kommersiya obyektlərinin sahiblərindən pul tələb edib. Amma, jurnalistin özünün iddiasına görə, bu obyektlərin altında əxlaqsızlıq yuvaları gizlənirdi, o da öz materiallarında bu barədə yazırdı.
Vəkil Elçin Sadıqov bugünki təhqiqatda bildirib ki, ibtidai istintaq və birinci instansiya məhkəməsində təhqiqat qanun pozuntuları ilə keçirilib.
Birinci instansiya məhkəməsi obyektiv araşdırma aparmayıb və jurnalistin təqsirsizliyinin isbatına yönəlmiş vəsatətlərin heç birini təmin etməyib. Jurnalistin işgəncələrlə bağlı şikayətlərinə məhkəmələr baxmayıb. Apellyasiya Məhkəməsi də müdafiə tərəfin vəsatətlərini təmin etməyib.
Fərəməzoğlunun ifadələri altındakı imzalar saxtalaşdırılıb. Həmçinin, şahidlərdən birinin imzası saxtalaşdırılıb, o, məhkəmədə bildirib ki, ifadələri imzalamayıb.
Vəkil həmçinin qeyd edib ki, "cinayətin" törədildiyi anda İbişbəyli ölkədə olmayıb, amma məhkəmə Dövlət Sərhəd Xidmətinə bu faktın yoxlanılması üçün sorğu göndərilməsi haqqında vəsatəti təmin etməyib.
Müdafiə tərəfi hesab edir ki, istintaqın qərəzli olmasından başqa, işdə səhih dəlillər yoxdur və o, jurnalistə bəraət verilməsini xahiş edir. Amma prokuror Ramiz Alverdiyev əvvəlki instansiyaların qərarlarını qüvvədə saxlamağı xahiş edib.
Nəticədə, Ali Məhkəmə hökmü qismən yumşaldıb. Belə ki, "böyük ziyan vurulması" ittihamı ləğv edilib. Beləliklə, Ali Məhkəmə azadlıqdan məhrumetmə cəzasının müddətini 7 ildən 6 ilə qədər azaldıb.
Müdafiə tərəfi Ali Məhkəmənin qərarı ilə razı deyil və Avropa İnsan Hüquqları Məhkəməsinə ərizə verəcək. Jurnalistin həyat yoldaşı Faiqə Növrəsli bildirib ki, Avropa Məhkəməsində Fərəməzoğlunun işgəncə ilə bağlı şikayətlərinin araşdırılmasına başlayıb. -C-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz