Ali Məhkəmə Taleh Bağırzadə, Fuad Qəhrəmanlı və digərlərinin kassasiya şikayətini təmin etməyib
Bakı/01.03.18/Turan: Martın 1-də Azərbaycan Ali Məhkəməsi hakim Şahin Yusifovun sədrliyi ilə "Müsəlman Birliyi" Hərəkatının həbsdə olan sədri Taleh Bağırzadə, Azərbaycan Xalq Cəbhəsi Partiyasının (AXCP) sədr müavini Fuad Qəhrəmanlı və digər 9 nəfərin məhkəmə qərarından verilən kassasiya şikayətini təmin etməyib.
Məhkəmədə həbsdə olan məhkumlardan yalnız ikisi - Abbas Hüseynov və Abbas Quliyev iştirak edib. Digər məhkumlar, o cümlədən Taleh Bağırzadə və Fuad Qəhrəmanlı məhkəmədə iştirak üçün müraciət etməyib.
Vəkil Nemət Kərimli bildirib ki, hakim qərarın nəticə hissəsini elan edib. "Bu səbəbdən də məhkəmənin qərarını necə əsaslandırdığı bizə məlum olmadı", deyə o qeyd edib.
Onun sözlərinə görə, məhkəmədə iştirak edən Abbas Hüseynov çıxışında Nardaran hadisələri ilə bağlı həbslərin siyasi sifariş olduğunu bildirib.
Kərimli deyib ki, müdafiə tərəfi çıxışında iki arqument üzərində dayanıb. "Biz sübutların yolverilməz olduğunu və həbs edilən şəxslərin əməlində cinayət tərkibinin olmadığını məhkəmənin diqqətinə çatdırdıq".
Ali Məhkəmənin qərarından Avropa Məhkəməsinə şikayət ediləcək.
2015-ci il noyabrın 26-da polis Nardaranda xüsusi əməliyyat keçirib, nəticədə Taleh Bağırzadə və onun tərəfdaşlarından ibarət qrup həbs edilib. Bir neçə gün ərzində ümumilikdə 70-dən çox insan həbs edilib, sonradan onlar bir neçə qrup halında müxtəlif müddətli azadlıqdan məhrumetmə cəzalarına məhkum ediliblər. -03B-
-
- Cəmiyyət
- 1 Mart 2018 13:26
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz