![Ana korpus komandanı Rövşən Əkbərovu oğlunun qatili adlandırır](https://turan.az/resized/./turan-750-500-resize.webp)
Ana korpus komandanı Rövşən Əkbərovu oğlunun qatili adlandırır
2001-ci ildə Kiyevdə qətlə yetirilmiş iş adamı Elçin Əliyevin anası Cəmayə Əliyeva çərşənbə axşamı RATİ-də bu qətllə bağlı mətbuat konfransı keçirib.
S.Əliyeva oğlunun ölümündən 12 il keçməsinə baxmayaraq, heç kəsin həbsə alınmadığını bildirir. Ana oğlnun qatili kimi israrla o zaman Kiyevdə hərbi akademiyada oxuyan, hazırda Şəmkir korpusunun komandanı Rövşən Əkbərovun adını çəkir. Ölümün motivi aydın deyil, belə ki, S.Əliyeva oğlu ilə R.Əkbərov arasında “söz-söhbət” olduğunu, amma bunun nədən başlamasının bilinmədiyini deyib. S.Əliyeva oğlunun R.Əkbərov tərəfindən qətlə yetirilməsini o zaman Azərbaycanın Ukraynada müvəqqəti işlər vəkili, indi Diaspor Komitəsinin sədri Naim İbrahimovdan da eşitdiyini deyib.
Onun sözlərinə görə, oğlu Kiyevdə iş adamı kimi fəaliyyət göstərib, daha çox Azərbaycana qida məhsulları göndərib. O zaman Kiyevin mərkəzində ofisi olub, N.İbrahimovla yaxın dost olduğuna görə hətta biznes ofisini səfirliyə verib, öz yeni ofis tutub.
Ukrayna Baş Prokurorluğunda bu iş 4 il araşdırılıb, S.Əliyevaya Ukrayna Baş Prokurorluğunun may ayında verdiyi cavabda R.Əkbərovun qətl ilə laqəli olması təsdiq edilir.
2005-ci ildən sonra iş Bakıya göndərilib, Hərbi Prokurorluq işi araşdırıb və R.Əkbərovun qətllə əlaqəsi olmadığı deyilib. S.Əliyevannı sözlərinə görə, o zamankı hərbi prokuror iş Bakıya gələn kimi kimliyindən aslı olmayaraq qatilin həbs olunacağını vəd edib. Daha sonra ailənin tələbilə iş Hərbi Prokurorluqdan alınaraq ölkə prokurorluğunun Ağır Cinayətlər İdarəsinə verilib. Burada da araşdırmalar sözdən o yana keçməyib. Nəhayət, mərhum vəkil İsaxan Aşurov bu işi Avropa məhkəməsinə çıxara bilib. Amma Avropa məhkəməsi ailəyə müstəntiq Azər İbrahimovun 2010-cu il təqdimatına istinadən bu işə xitam verilməsi haqda cavab yazıb. Yəni, ailə 2010-cü ilə kimi cinayət işinin faktiki dayandırılması haqda hər hansı məlumata malik olmayıb.
Bu cavabdan sonra vəkil Elton Quliyev məsələnin araşdırılmasına başlayıb. Öncə məhkəmə müddəti bərpa edilib. Hazırda ailə bu işin Nəsimi rayon, yoxsa hərbi məhkəmədə araşdırılmasının davam etməsi haqda Bakı Apellyasiya məhkəməsinin qərarını gözləyir.
S Əliyeva dövlət başçısına müraciət də ünvanlayıb. “Bir ölkədə qatil azadlıqda gəzirsə, oğlum günahı olmadığı halda məzardadırsa, mən seçkilərdə niyə ona səs verməliyəm”, - ana bildirib. 05C-
-
- İqtisadiyyat
- 17 Sentyabr 2013 15:46
-
- Siyasət
- 17 Sentyabr 2013 16:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz