![A.Paşazadə: Əsas məqsəd radikallığa etiraz idi](https://turan.az/resized/750/500/resize/media/2015/main/110200135100.jpg)
A.Paşazadə: Əsas məqsəd radikallığa etiraz idi
Bu günlərdə Moskvada keçirilmiş “Din və Dünya” beynəlxalq konfransının əsas məqsədi bəzi radikal qüvvələrin “islam” adı ilə dünyaya təqdim edilməsinə etiraz idi. Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə bunu Turan-a bildirib.
O qeyd edib ki, konfransa qatılan digər din təmsilçilərinə də belə təqdimatlara etiraz ifadə etmək, dini olduğu kimi təbliğ və şərh etmək mesajları ünvanlanıb. Onun fikrincə, islam adı altında ortaya çıxan, əslində islama zərbə vuran bu radikal qüvvələr təkcə fəaliyyət göstərdikləri regiona yox, bütünlükdə dünyaya və bəşəriyyətə təhlükədirlər. “Bu mesajı bütün dünyaya çatdırmaq, bu olanların islama aid olmadığını bəyan etmək əsas prioritet idi”, - deyə A.Paşazadə Moskva konfransı barədə yekun fikrini bildirib.
Onun sözlərinə görə, bütün Rusiya patriarxı Kiril ilə ikitərəfli görüşdə də bu məsələ müzakirə edilib. A.Paşazadə patriarx ilə Qarbağ məsələsini də müzakirə etdiyini diqqət mərkəzinə çəkib.
QMİ sədri YUNESCO yanında Dini Məsləhət Məşvərət Şurası (DMMŞ) yaradılması ilə bağlı məsələnin müzakirə mərhələsində olduğunu xatırladıb. Onun sözlərinə görə, hazırda bu işlə diplomatlar məşğuldurlar.
A.Paşazadə Şuranın yaradılması təşəbbüsünü özünün və Rusiya patriarxının irəli sürdüyünü deyib. Bu quruma islam, xristian və yəhudi din xadimləri təmsilçilərinin daxil olması nəzərdə tutulur, qurum dini mədəniyyətlərin qorunması, inkişaf etdirilməsi kimi məqsəd güdür. Onun sözlərinə görə, bununla yanaşı, Şuranın proritetlərindən biri də siyasi maraqlar naminə dini təhriflərə birgə münasibət ifadə etmək, dini qarşıdurma səylərinə qarşı əlbir fəaliyyət göstərməkdir.
Xatırladaq ki, oktyabrın sonunda Moskvada ikigünlük “Din və Dünya” mövzusunda beyənlxalq konfrans keçirilib. -05B-
Cəmiyyət
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
-
İyulun 17-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin günün birinci yarısında bəzi yerlərdə arabir yağış yağacağı gözlənilir. Mülayim şimal-qərb küləyi əsəcək.
-
Sosial şəbəkələrdə polis əməkdaşının vətəndaşın cibinə bir paket qoyduğuna, daha sonra şiddət tətbiq edərək onu saxladığına dair görüntülər yayılıb. Bu kadrların yayılmasından bir gün sonra DİN onlara münasibət bildirib.
-
Fövqəladə Hallar Nazirliyinin "112" qaynar telefon xəttinə Xızı rayonu, Yeni Yaşma qəsəbəsi ərazisində sursat aşkar edilməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Rəy yaz