Bakı/13.05.15/: Mayın 13-də Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə çərşənbə günü İranın Radio-Televiziya Təşkilatının sədr müavini Mühəmməd Əhkarinin başçılıq etdiyi nümayəndə heyətini qəbul edib. Bu xəbər Turana QMİ-dən məlum olub.
QMİ sədri, müstəqilliyimizə qovuşduqdan sonra Azərbaycanda dini- mənəvi həyatın dirçəldilməsi istiqamətində görülən işlər, dövlətin dini irsə qayğısı barədə məlumat verib. A.Paşazadə iki xalq və dövlət arasında dostluq və qardaşlıq münasibətlərinin inkişafında KİV-in və jurnalistlərin böyük rolu olduğunu xüsusi vurğuladı.
Şeyxülislam A. Paşazadə tele-radionun imkanlarından islam dininin mənəvi dəyərlərinin təbliğatı, effektli maarifləndirmə işi üçün istifadənin vacibliyinə diqqəti çəkərək, bununla bağlı mülahizələrini bildirdi. Şeyxülislam QMİ və Şamaxı Astrofizika Rəsədxanası ilə birgə Azərbaycanın yerləşdiyi coğrafi məkana uyğun namaz vaxtları, dini bayramları əks etdirən təqvimin hazırlanması üzərində gedən iş, iranlı alimlərlə aparılan məsləhətləşmələr barədə də qonagı bilgi verib.
Səmimi qəbula görə təşəkkürlərini bildirən qonaq rəhbəri olduğu durumun həyata keçirdiyi layihələr, dini maarifləndirmə sahəsindəki işlər haqda A.Paşazadəyə məlumat verib.
QMİ-dən daxil olan başqa bir xəbərə görə isə Şeyxülislam A.Paşazadənin rəhbərlik etdiyi nümayəndə heyəti 14 may tarixində RF İnquşetiyanın Maqas şəhərinə səfərə gedir.
Səfər İnquşetiyanın başçısının şəxsi dəvəti əsasında həyata keçirilir.
Səfərdə məqsəd mayın 14-də Maqasda keçiriləcək «Dində mötədillik-sülh, dinc qonşuluq və tərəqqiyə gedən yoldur» mövzusundakı konfransda iştirak etməkdir.
QMİ sədrinin himayədarlığı ilə keçiriləcək tədbirə çox sayda müsəlman dini liderin, Rus Pravoslav Kilsəsi və yəhudi icması təmsilçilərinin, habelə Ümumdünya müsəlman alimləri birliyinin Baş katibi dr. Əli Əl-Karadaginin qatılacağı da nəzərdə tutulur. Konfransda ictimai əxlaq məsələlərinə dair ilahiyyat bəyannaməsinin, 3 ibrahimi din adından bəyanatın və s. sənədlərin qəbulu nəzərdə tutulur. -05D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz