Фуад Ахмедли
Bakı/04.10.18/Turan: Cümə axşamı Bakı Apellyasiya Məhkəməsi AXCP Gənclər Komitəsinin üzvü, həbsdə olan Fuad Əhmədlinin şikayətinə baxılması başa çatıb.
Şikayət birinci instansiya məhkəməsinin həbs müddətinin üçdə bir hissəsinin çəkilməsi ilə əlaqədar cəzanın yumşaldılmasından və məntəqə tipli cəzaçəkmə müəssisəsinə köçürülməsindən imtina ilə bağlıdır. Lakin məhkəmə şikayəti təmin etməyib.
Prosesdə F.Əhmədlini dövlət vəkili müdafiə edib. Əvvəlki vəkil Əsabəli Mustafayev 1il müddətinə vəkillik fəaliyyətindən kənarlaşdırılıb.
İyulun 20-də Suraxanı Rayon Məhkəməsi F.Əhmədlinin cəzasının üçdə bir hissəsini çəkməsilə əlaqədar vaxtından əvvəl şərti azadlığa buraxılması barədə müraciətini təmin etməyib.
*Fuad Əhmədli 2016-ci ilin avqustunda "əməliyyat-axtarış fəaliyyəti haqqında qanun normalarının pozulması", əsasən "Azerfon" mobil rabitə istifadəçilərinin şəxsi məlumatlarını yaymaq ittihamı ilə həbs olunub. Bundan əlavə, onu vəzifə səlahiyyətlərindən sui-istifadədə ittiham ediblər.
2017-ci il iyunun 16-da F.Əhmədli 4 il azadlıqdan məhrum edilib. Avqustun 17-də Apellyasiya Məhkəməsi hökmü qüvvədə saxlayıb. F.Əhmədli siyasi məhbus kimi tanınıb.-03B06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz