Apellyasiya məhkəməsi İlhamiz Quliyevi azad etməyib
Bakı/14.12.23/Turan: Bakı Apellyasiya Məhkəməsində külli miqdarda narkotik vasitənin qanunsuz dövriyyəsində ittiham olunan fəal İlhamiz Quliyevin həbsindən verilmiş şikayətə baxılıb.
Vəkil Zibeydə Sadıqova bildirib ki, Quliyev ona irəli sürülən ittihamları qəbul etmir. O, narkotik ticarəti ilə məşğul olmadığını, saxlanıldıqdan sonra üzərinə narkotik vasitə atıldığını bildirib.
Şikayət təmin edilməyib.
Quliyev dekabrın 6-da saxlanılıb, ayın 6-da külli miqdarda narkotik vasitənin qanunsuz dövriyyəsi haqqında iş üzrə 4 ay müddətinə həbs edilib.
Hüquq müdafiəçilərinin fikrincə, Quliyevin həbsinin əsl səbəbi onun Abzas Media-ya verdiyi müsahibədir. Bu müsahibədə o, polisin cinayət işlərini saxtalaşdırmaq üçün sənədləşdirilməmiş narkotik vasitələrdən istifadə etdiyini bildirib.
Quliyev müsahibədə keçmiş polis əməkdaşı kimi təqdim edilib. Vaxtilə o, polis müstəntiqinin qeyri-rəsmi köməkçisi olub. 06В
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz