Bakı/30.07.18/Turan: Sumqayıt Apellyasiya Məhkəməsi "Yüksəliş naminə" qəzetinin baş redaktoru, hüquq müdafiəçisi Elçin Məmmədin şikayətini təmin etməyib. Proses hakim Nazim Mövsümovun sədrliyi ilə keçirilib. Məhkəmə iyulun 4-də keçirilsə də məhkəmənin qərarı iyulun 27-də baş redaktora təqdim edilib. Bu barədə Turan-a Elçin Məmməd bildirib.
Sumqayıt Şəhər Prokurorluğu 2017-ci ilin noyabrında baş redaktora xəbərdarlıq edib. Xəbərdarlıqda deyilir ki, "Yüksəliş naminə" qəzetində (xəbər portalında) və sosial şəbəkələrdə dərc edilən yazılar respublikada iqtisadi sahədə həyata keçirilən islahatların və tədbirlərin üzərinə kölgə salıb və ictimai rəyi çaşdırmaq məqsədi daşıyıb.
Baş redaktor prokurorluğun xəbərdarlığı ilə bağlı yerli məhkəməyə müraciət edib. Yerli məhkəmə E. Məmmədin müraciətini təmin etməyib. Baş redaktor yerli məhkəmənin qərarından apellyasiya şikayəti verib.
E.Məmməd hesab edir ki, prokurorun rəsmi xəbərdarlığı onların informasiya əldə etmək, məlumat yaymaq hüququnu pozur. Həmçinin gələcəkdə ona və əməkdaşlarına qarşı həbs təhlükəsi yaradır.
"Çünki prokuror xəbərdarlıqda göstərib ki, belə hallar təkrarlanarsa, barəsində daha ciddi tədbirlər görüləcək. Yəni, baş redaktor məhz rəhbərlik etdiyi qəzetdə (xəbər portalında) tənqidi yazılar yazıldığı üçün xəbərdarlıq alıb. Belə çıxır ki, biz respublikada keçirilən islahatlar və tədbirləri, ölkənin siyasi durumunu tərifləməliyik, əks halda cinayət məsuliyyətinə cəlb ediləcəyik. Hesab edirəm ki, prokurorun bu hərəkəti bizə qarşı təzyiqlərdən biridir və bu xəbərdarlıq bizi öz rəyimizi məcburi dəyişdirmək niyyəti güdür", - o qeyd edib.
Elçin Məmməd Apellyasiya Məhkəməsinin qərarından Avropa İnsan Hüquqları Məhkəməsinə şikayət edəcəyini bildirib. -03B-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz