Aprelin 21-də Anar Məmmədlinin məhkəməsi başlayacaq

Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli, qurumun icraçı direktoru Bəşir Süleymanlı və Könüllülərin Beynəlxalq Əməkdaşlığı İctimai Birliyinin rəhbəri Elnur Məmmədova arşı cinayət işi Bakı Ağır Cinayətlər Məhkəməsinə daxil olub.

İş üzrə hazırlıq iclası 21 aprel, saat 10:30-a təyin edilib. Bu barədə Turan-a vəkil Fariz Namazlı bildirib. İşə Rauf Əliyevin sədrliyi ilə məhkəmə heyəti baxacaq.

Qeyd edək ki, bu hakim martın 20-də Rəsulzadə qəsəbəsi –Novxanı yolunda baş vermiş avtoqəza ilə bağlı qalmaqalın mərkəzində olub. KİV-in məlumatına görə, R.Əliyev yolu “qırmızı işıq”da keçib və qəza vəziyyəti yaradıb. Eyni zamanda R.Əliyev onun hərəkətlərindən narazılığını bildirən

“Azpetrol” şirkətinə məxsus avtomobilin sürücüsü İlqar Paşayevi döyüb. Lakin İ.Paşayevə qarşı “xuliqanlıq” maddəsi ilə cinayət işi qaldırılıb.

Ə.Əliyev bildirib ki, o, sürücünü döyməyib, əksinə özü hücuma məruz qalıb.

A.Məmmədli 2013-cü il dekabrın 16-da həbs olunub. O, qanunsuz sahibkarlıq, vergidən yayınma, vəzifə səlahiyyətini aşmaqda ittiham olunur.

Məhkəmə onu üç ay müddətinə həbs edib. Martın 19-da ibtidai istintaq başa çatıb. A.Məmmədli və digər iki fəala qarşı CM-in 179.3.2-ci (iri məbləğdə əmlakı mənimsəmə) və 313-cü (vəzifə saxtakarlığı) maddələri ilə ittiham irəli sürülüb.

**  Amnesty International beynəlxalq hüquq-müdafiə təşkilatı A.Məmmədlini “vicdan məhbusu” adlandırıb. A.Məmmədlinin həbsinin əsl səbəbi ötən ilin oktyabrında keçirilmiş prezident seçkiləri zamanı hakimiyyətin saxtakarlığını ifşa etməsidir. -06B-