Рубен Варданян. AP
Bakı/20.02.23/Turan: Erməni separatçılar prezident İlham Əliyevin Münhendəki nitqinə operativ cavab veriblər. O, separatçıların "dövlət naziri" adlandırdıqları Ruben Vardanyanla danışıqların mümkünlüyünü rədd edib və Laçın yolunda keçid-buraxılış məntəqəsinin yaradılması niyyətini bildirib.
İlk reaksiya Qarabağın Rusiyanın nəzarətində olan hissəsində qanunsuz "prezident"in nümayəndəsi Araik Arutyunyandan gəlib. Ruben Vardanyanın Qarabağda olması və onun fəaliyyəti Qarabağ ermənilərinin daxili işidir və heç bir halda Azərbaycan hökumətinin müzakirə predmeti ola bilməz, mətbuat katibi Lusine Avanesyan bildirib.
Vardanyan da çıxış edərək Azərbaycandan ayrılma ideologiyasını davam etdirib.
Xalq istənilən çətinliklərə dözməyə hazırdır, bu sınaqlardan keçmək üçün kifayət qədər iradə və əzm sahibidir. Biz bu xalqa rəhbərlik etməyə layiq olmalıyıq. Bu çətin tarixi mərhələni keçmək üçün hər şeyimiz var: inam, iradə, ruh və birlik. İnanıram ki, ən minimal imkanla belə ruh və iradə uğur gətirə bilər. Və bunun üçün məndən asılı olan hər şeyi edəcəm. Bu, uzun yolun yalnız başlanğıcıdır, Vardanyan bildirib.
Antiazərbaycan mövqeyinin nümayişilə yanaşı, separatçıların rəhbərliyindən başqa bəyanatlar da səslənir. Fevralın 19-da Araik Arutyunyan Facebook-da çıxış edərək ciddi daxili ziddiyyətləri etiraf edib. O deyib ki, erməni icmasının idarəetmə orqanları "ictimai əhval - ruhiyyəni tam əks etdirmirlər, bəzi hallarda isə lazımi səviyyədə etimada malik deyillər ki, bu da bugünkü qeyri-müəyyənlik və daim inkişaf edən hadisələr şəraitində çox vaxt obyektiv və subyektiv narazılığa səbəb olur, daxili sarsıntılara gətirib çıxarır”, - Arutyunyan yazıb.
O, ictimaiyyətin tələbilə razılaşıb və Qarabağın erməni əhalisinin müxtəlif regionlarının nümayəndələrinin iştirakı ilə məşvərətçi orqan yaradbı. Arutyunyan bildirib ki, fevralın 23-də "təhdidlər, planlar və gələcək addımlarla" bağlı çıxış edəcək.
Fevralın 23-də Vardanyanın istefasını gözləmək olarmı? Ermənistanın şəbəkə resurslarında Arutyuyanın Vardanyanı istefaya göndərmək qərarına gəldiyi bildirilir. Ancaq "dövlət naziri"nin nitqində belə qərarın mümkünlüyünə işarə edən bir söz belə yoxdur. –0
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz