AŞPA Monitorinq Missiyasının üç üzvü seçkilərin qeyri-demokratik və ədalətsiz olduğunu bildirib
“Biz bu seçkiləri ədalətli və demokratik adlandıra bilmərik”, bu barədə AŞPA monitorinq missiyasının üç üzvü, Almaniyalı deputatlar Frank Şvabe (Frank Schwabe), Ute-Finkx Kramer (Ute Finckh-Kraemer) və İrlandiyalı deputat Maykl Maknamaranın (Michael McNamara) ayrıca bəyanatında deyilir.
Deputatların Turan agentliyinə daxil olmuş birgə bəyanatında deyilir ki, “maddi-texniki bazanın mövcudluğuna baxmayaraq, bu seçkilər siyasi azadlıq, söz və mətbuat, toplaşmaq və birləşmək azadlığı ilə müşaiyət olunmayıb və buna görə demokratik hesab oluna bilməz”.
Daha sonra bəyanatda ölkədə insan hüquqları sahəsində vəziyyətin pis olduğu qeyd edilir, hakimiyyətin vətəndaş cəmiyyətinə, insan hüquqları ilə məşğul olan QHT-lərə təzyiq göstərdiyi deyilir. Məşhur hüquq müdafiəçiləri Leyla Yunus, Arif Yunus, İntiqam Əliyev, Rəsul Cəfərov və başqalarının qanunsuz həbsi xatırladılır.
“Söz və mətbuat azadlığının pozulması uzun müddətdir yerli və beynəlxalq ictimaiyyətin narahatlıq predmetidir, indi isə jurnalistlərin təqibi təmayülü və onların uydurma ittihamlarla həbsi daha da güclənib”, deyə bəyanatda bildirilir.
Sonda AŞPA Müşahidə Missiyasının üzvləri hakimiyyətin ATƏT DTİHB-nin Monitorinq Qrupunun seçkilərdə iştirakı üçün şərait yaratmamasından təəssüflərini bildirirlər.
“Biz Azərbaycan xalqına və ya onun rəhbərliyinə dərs vermək niyyətində deyilik. Biz bunun üçün gəlməmişik. Amma AŞPA Müşahidə Missiyasının verdiyi rəylərə gəlincə, nəzərə almaq lazımdır ki, bu missiya ölkənin seçki məntəqələrinin çox az hissəsində olub. Bu, seçkilərin keyfiyyəti haqqında nəticə çıxarmaq üçün kifayət deyil. Belə ki. AŞPA missiyası 125 seçki komissiyasından yalnız 1-də səslərin sayılmasının 0,5%-dən azını müşahidə edib. Bu, bütün ölkədə vəziyyət haqqında nəticə çıxarmaq üçün kifayət deyil. Amma bu seçki məntəqələrində belə açıq-aşkar pozuntular görünürdü”.
“Nəhayət, xatırlatmaq istərdik ki, AŞPA tərəfindən seçkilərin monitorinqinin prinsipi ondan ibarətdir ki, seçkilər birdəfəlik tədbir deyil, bir neçə mərhələdən ibarət fasiləsiz prosesdir. Qiymət vermək üçün bu mərhələlərin hər biri təhlil edilməlidir”. -16/D03-
-
- Cəmiyyət
- 2 Noyabr 2015 17:28
Cəmiyyət
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
-
İyulun 17-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin günün birinci yarısında bəzi yerlərdə arabir yağış yağacağı gözlənilir. Mülayim şimal-qərb küləyi əsəcək.
-
Sosial şəbəkələrdə polis əməkdaşının vətəndaşın cibinə bir paket qoyduğuna, daha sonra şiddət tətbiq edərək onu saxladığına dair görüntülər yayılıb. Bu kadrların yayılmasından bir gün sonra DİN onlara münasibət bildirib.
-
Fövqəladə Hallar Nazirliyinin "112" qaynar telefon xəttinə Xızı rayonu, Yeni Yaşma qəsəbəsi ərazisində sursat aşkar edilməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Rəy yaz