Bakı/02.10.17/Turan: Avropa Şurası Azərbaycanda LGBT nümayəndələrinin polis tərəfindən təqib olunmasından narahatdır. Bu barədə AŞ baş katibinin rəsmi mümayəndəsi Daniel Oltgenin bazar günü axşam yaydığı bəyanatda deyilir.
"Biz Azərbaycanda polisin LGBT nümayəndələriilə amansız rəftarı barədə məlumatlardan çox narahatıq. Seksual və digər azlıqlara qarşı diskriminasiya Avropa İnsan Hüquqları Konvensiyasına ziddir. Konvensiyaya uyğun olaraq LGBT də digərləri kimi eyni hüquqlara malikdir. Azərbaycan həmin şəxslərin hüquqlarını təmin etməli, amansız davranış haqda məlumatları araşdırmalıdır. Biz hadisələrin inkişafını diqqətlə izləyirik", - bəyanatda qeyd olunur.
Yerli hüquq müdafiəçilərinin və LGBT nümayəndələri məlumatlarına görə, sentyabrın ortalarında polis reydləri zamanı 100-ə yaxın homoseksual və transgender saxlanılıb.
DİN nümayəndələri bildiriblər ki, saxlanma fahişəliyə qarşı mübarizə çərçivəsində həyata keçirilib və heç bir zorakılıq hərəkətinə yol verilməyib.
Ancaq vətəndaş cəmiyyəti fəalları və LGBT nümayəndələri bildiriblər ki saxlanılanlar təhqirlərə, fiziki zorakılığa məruz qalıblar. Onlardan tanıdıqları digər seksual azlıqlar haqda zorla məlumat alıblar və onları da polis orqanlarına aparıblar.
Saxlanılanların bir hissəsi cərimə ödədikdən sonra buraxılıb.
Ancaq 61 nəfər polisə tabe olmamaq ittihamı ilə 10 sutkadan 30 sutkayadək inzibati həbs cəzası alıb. Onlar məhkəmələrdə vəkilsiz olublar.
Hazırda beş vəkil və iki hüquq müdafiəçisindən ibarət qrup onların hüquqlarını müdafiə edir. Həbs barədə qərardan şikayət verilib. 06D--
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz