Bakı/04.05.17/Turan: Azərbaycan Xalq Cəbhəsi Partiyasının Xətai rayon şöbəsinin fəalı Elxan Nuriyev mayın 3-də “Azərsu” Səhmdar Cəmiyyətinin Nəqliyyat və Xüsusi Texnika İdarəsində sürücü vəzifəsindən azad edilib. Bnuna səbəb kimi Nuriyevin Milli Şuranın aprelin 8-də keçirilən icazəli mitinqində iştirakı və siyasi fəal olması göstərilib.
“Mənə bildirdilər ki, mitinqdə iştirakım rəhbərliyin xoşuna gəlməyib. AXCP-dən istefa verməyimi istədilər. Mən də eriraz etdim. Bu zaman dedilər ki, ya könüllü işdən azad olunmaq barədə ərizə yaz, ya da başqa yollarla işdən azad ediləcəksən. Mən də könüllü işdən azad edilmək barədə ərizə yazdım”, deyə Nuriyev Turan-a bildirib.
“Azərsu” Səhmdar Cəmiyyətindən bu məlumata münasibət almaq hələki mümkün olmayıb.
Xatırladaq ki, Milli Şuranın aprelin 8-də “Koprupsiyaya, monarxiyaya, talana yox!”, “Siyasi məhbuslara azadlıq!” şüarı ilə keçirdiyi mitinqdən sonra mitinqdə iştirak edən 5 AXCP fəalı işdən azad edilib. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz