![Nazir: 100 min müəllimin maaşı artıb](https://turan.az/resized/750/500/resize/media/2017/main/050400001097.jpg)
Nazir: 100 min müəllimin maaşı artıb
Bakı/04.05.17/Turan: “2012-ci il ilə müqayisədə bütün imtahan fənlərindən müsbət qiymət alan IX sinif şagirdlərinin sayı 50,2%-dən 2016-cı ildə 67,2%-ə yüksəlib, son 4 ildə isə imtahan nəticələri daha 17%artıb”. Bu barədə təhsil naziri Mikayıl Cabbarov “Azərbaycan” qəzetində dərc edilən məqaləsində bildirir.
Nazir deyib ki, “əla” qiymət alanların sayı 2015-ci ildəki 7%-dən 2016-cı ildə 9,2%-ə yüksəlib. 2016-cı ildə hər üç fəndən müvafiq qiymət alanlar 65% təkil edib.
Nazir məqaləsində müəllimlərin dövlət qayğısına alındığını da bildirir: “Müəllimlərin dərs yükünün və əmək haqqının artırılması haqqında” ölkə prezidentinin sərəncamına əsasən, 100 min müəllimin əmək haqqında əhəmiyyətli artım olub, 175 nəfər müəllim yüksək dövlət təltiflərinə layiq görülüb.
Nazir ölkə gənclərinin xaricdə təhsil məsələsinə toxunaraq deyir: “2007-2015-ci illərdə Azərbaycan gənclərinin xarici ölkələrdə təhsil almalarına dair Dövlət Proqramı” çərçivəsində 3558 nəfər thəsil alıb, 1470 nəfər artıq məzun olub. Bu məzunların 60%-i özəl, 40%-i dövlət sektorunda çalışır”. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz