AXCP fəalının şikayəti təmin edilməyib
Bakı/15.08.18/Turan: Avqustun 14-də Bakı Apellyasiya Məhkəməsi Azərbaycan Xalq Cəbhəsi Partiyası (AXCP) Nərimanov şöbəsinin sədri Babək Həsənovu ev dustaqlığına buraxmaqdan imtina edib.
AXCP-nin məlumatına görə, prosesdə Nəsimi Rayon Məhkəməsinin B.Həsənovu ev dustaqlığına buraxılmasını təmin etməyən qərarından verilən şikayətə baxılıb. Bakı Apellyasiya Məhkəməsi rayon məhkəməsinin qərarını qüvvədə saxlayıb.
AXCP məhkəmənin qərarından Avropa İnsan Haqları Məhkəməsinə şikayət ediləcəyini bildirib.
B.Həsənovun daha bir şikayəti üzrə məhkəmə iclası təxirə salınıb.
Belə ki, avqustun 14-də B. Həsənovun daha bir şikayətinə Nəsimi Rayon Məhkəməsində baxılması gözlənilirdi.
AXCP-nin məlumatına görə, B.Həsənov yaxınları ilə görüş və telefon danışığı hüququnun pozulması səbəbilə Baş Prokurorluğu məhkəməyə verib.
Ancaq həmin şikayətə baxılması avqustun 16-na keçirilib.
Penitensiar Xidmətin əməliyyat-rejim idarəsinin rəisi Mirsaleh Seyidovun AXCP fəalının qardaşına göndərdiyi məktubda yazılır ki, onlar B. Həsənovun ailəsi ilə görüş və telefon danışığına hər hansı məhdudiyyət qoymayıblar.
B. Həsənovla saxlandığı gündən görüşə bilmədiklərini deyən ailə üzvləri bundan sonra Baş Prokurorluğu məhkəməyə verib.-03D-
-
- Böyük Şərq
- 15 Avqust 2018 11:51
-
- Maliyyə
- 15 Avqust 2018 12:25
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz