Bakı/12.03.18/Turan: Martın 10-da müxalifətin birgə mitinqindən öncə Azərbaycan Xalq Cəbhəsi Partiyasının 6 fəalı inzibati qaydada 15-20 sutkalıq həbsə məhkum edilib. Bu barədə AXCP məlumat yayıb.
AXCP həbs edilənlərin bir neçəsinin mnitinqin təşkilat komitəsinə daxil olduğunu bildirir.
"Həbslər aksiyanın kütləviliyinin qarşısını almaq məqsədi daşıyırdı", deyə məlumatda qeyd edilir.
Bununla yanaşı, AXCP sədri Əli Kərimli mitinqdə çıxışında bildirib ki, partiyasının 80 nəfəri mitinqə hazırlıq dövründə polis şöbələrinə çağırılıb.
Müsavat Partiyasının başqanı Arif Hacılı isə mitinq ərəfəsində partiyanın 50-dən çox fəalının polis şöbələrinə çağırıldığını bildirib.
"Yalnız Müsavat Partiyasının Cəlilabad rayon şöbəsinin 11 üzvü yerli polisin təzyiqinə məruz qalıb. O cümlədən, Xaçmaz, Quba və digər rayonlardan olan üzvlərimiz təzyiq altında olub. Ancaq inzibati cəza alan olmayıb", deyə o qeyd edib.
NİDA Vətəndaş Hərəkatının rəhbərliyindən Əbülfəz Qurbanlının sözlərinə görə, hərəkatın 20-yə yaxın üzvü polis şöbələrinə çağırılıb.
Fəalların həbsinin və polisə çağırılmalarının səbəbləri ilə bağlı rəsmi açıqlama verilmir. Bununla yanaşı, rəsmi qurumlar, bir qayda olaraq, bütün insanların qanun qarşısında bərabər olduğunu bildirir. -03D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz