![AzadlıqRadiosu Azərbaycanda hüquqlarını qorumaq üçün hərəkətə keçir](https://turan.az/resized/media/2015/main/052300116929-750-500-resize.webp)
AzadlıqRadiosu Azərbaycanda hüquqlarını qorumaq üçün hərəkətə keçir
AzadlıqRadiosu Bakıdakı bürosunu, ötən ilin dekabrında, Azərbaycan hökumətinin xarici təşkilatlara qarşı kampaniyasının gedişində radionun ofisini möhürləyəndən sonra dayandırıb.
«Azərbaycan hakimiyyəti qanunsuz və əsassız hərəkət edərək bizim işçi heyətimiz və onların ailə üzvləri üçün dərin və bir çox hallarda silinməz iztirab və köçkünlük yaradıb» – deyib AzadlıqRadiosu-nun baş redaktoru Nenad Pejic. Pejic həmçinin bildirib ki, şirkət özünün və işçi heyətinin hökumətin hərəkətləri qarşısında hüquq və maraqlarını müdafiə etmək üçün bütün addımları atmağa hazırdır.
Hökumətin bu hərəkətlərinə AzadlıqRadiosu-nun Bakı bürosuna reyd keçirilməsi və bu zaman şirkətin sənədlərinin, möhür və avadanlığının qanuni prosedurlara əməl edilmədən müsadirə olunması, Bakı bürosu işçilərinin hüquqi təmsilçiliyinin təmin edilmədən dindirilməsi və saxlanması, büronun hüquq nümayəndəsinin məhkəmə prosesindən çıxarılması, heyət üzvlərinin qohumlarının təhdid edilməsi, bəzi işçilərə qanunsuz səfər məhdudiyyətlərinin qoyulması daxildir.
AzadlıqRadiosu həmçinin radionun əməkdaşı, beynəlxalq miqyasda təhqiqat jurnalisti kimi tanınmış Xədicə İsmayılovanın əleyhinə hökumət ittihamlarına qarşı çıxır. Xədicə İsmayılova dekabrın 5-də həbs olunub və ona qarşı AzadlıqRadiosu-nun əleyhinə yönəldilən iddialardan doğan ittihamlar əsasında hələ də həbsxanada saxlanır.
Azərbaycanda AzadlıqRadiosu kimi tanınan Azad Avropa/AzadlıqRadiosunun Azərbaycan xidməti, öz bürosunun bağlanmasına baxmayaraq Azərbaycanda özünün xəbər toplamaq və reportajlar vermək funksiyalarını yerinə yetirməkdə davam edir və hələ də rəqəmli və peyk yayın üsulları ilə fəaliyyət göstərir.
Pejic deyib: «Biz öz missiyamızı icra etmək məqsədilə, bundan əvvəl 60 ildən çox müddətdə olduğu kimi işimizi dava etdirəcəyik. Biz AzadlıqRadiosu-na və onun işçi heyətinə qarşı Azərbaycan hökumətinin son bir neçə ayda törətdiyi hərəkətlərdən təəssüf hissi duyuruq. Biz Azərbaycan hökumətini təməl haqlara və azadlıqlara olan öhdəliklərini yerinə yetirməyə, öz vətəndaşlarını incidən və ölkənin gələcəyini şikəst edən repressiya kampaniyasına son qoymağa çağırırıq».
AzadlıqRadiosu özəl, müstəqil beynəlxalq xəbər təşkilatıdır və radio, internet, televiziya və mobil rabitə vasitəsilə Rusiya, Ukrayna, İran, İraq, Əfqanıstan, Pakistan, Mərkəzi Asiya və Qafqaz ölkələri də daxil 21 ölkədəki mötəbər auditoriyalara proqramlar yayır.
Radio, Yayın Hamiləri Şurası (BBG) vasitəsilə ABŞ Konqresi tərəfindən maliyyələşdirilir.-0-
-
- Foto sessiyalar
- 24 May 2015 00:58
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz