![Torpaq sürüşməsindən ziyan çəkmiş İsmayıllı rayon sakinləri dövlətdən yardım gözləyir](https://turan.az/resized/media/2015/main/052400116942-750-500-resize.webp)
Torpaq sürüşməsindən ziyan çəkmiş İsmayıllı rayon sakinləri dövlətdən yardım gözləyir
İsmayıllı rayonunun Xankəndi kəndində torpaq sürüşməsi nəticəsində iki ev yıxılıb. Hadisə mayın 20-nə keçən gecə baş verib. Torpaq sürüşməsi aktivliyi davam edir. Təxminən 15 ev də dağılma təhlükəsi ilə üz-üzədir. Qonşu Kürdavan kəndində də torpaq sürüşməsi təhlükəsi var. Sürüşmə zonasının sahəsi 12 ha təşkil edir.
Yerli sakinlərin Turan-a verdiyi məlumata görə, torpaq sürüşmələri İsmayıllı rayonunda ağacların kütləvi kəsilməsinin nəticəsi olub. Dağlıq meşələrdə ağaclar birbaşa gövdədən kəsilir. Kötüklər, daha sonra isə köklər quruyur. Ağacların altından nəm və torpaq gedir ki, bu da sürüşmələrə səbəb olur.
Evləri dağılan sakinlərə torpaq fondundan yeni sahələr ayırmağı vəd ediblər. Amma bu, hələ də vəd olaraq qalır.
Lakin hələlik müvəqqəti yaşayış üçün çadırlardan başqa, rayon hakimiyyəti sakinlərə başqa kömək təklif etmir.
Yerli sakinlərin sözlərinə görə, ağacların kəsilməsinin arxasında yerli hakimiyyətin və hüquq-mühafizə orqanlarının Bakıdan təyin olunan və yüksək vəzifəli himayədarları olan rəhbər işçiləri durur. Bütün bunlar Ekologiya Nazirliyinin müvafiq qurumlarının göz yumması ilə baş verir.
İsmayıllı rayonunun keçmiş icra başçısı, 2013-cü ilin yanvarında qohumunun otelinin meneceri tərəfindən törədilmiş YNH ilə əlaqədar baş vermiş iğtişaşlardan sonra vəzifədən azad edilmiş Nizami Ələkbərovun dövründə ağacların kəsilməsi daha kütləvi xarakter daşıyıb.
Ələkbərov getsə də, onun irəli çəkdiyi adamlar nüfuzlu vəzifələrdə qalmaqdadır və öz “ağac biznesini” davam etdirir. Ağaclar ya “istirahət mərkəzlərinin” yaradılması adı ilə və əsasən parket hazırlanması üçün kəsilir.
Yerli sakinlər ümid edir ki, dövlət onların problemləri ilə məşğul olacaq, amansız ağac kəsilmələri dayandırılacaq, torpaq sürüşməsindən ziyan çəkənlərə isə maddi yardım göstəriləcək.
Xankəndi və Kürdavan kəndləri Böyük Qafqazın yamaclarında yerləşir və İsmayıllı Rayonunun Basqal inzibati bölgəsinə aiddir. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz