![Azərbaycan İTV cəzalandırılacaq?](https://turan.az/resized/media/2013/main/052200037166-750-500-resize.webp)
Azərbaycan İTV cəzalandırılacaq?
“Eurovision-2013”ü yayımlayan Azərbaycanın İctimai Televiziyası üç il müddətinə müsabiqədə iştirak hüququndan məhrum edilə və ya səsvermə saylarını yanlış təqdim etdiyi üçün cərimələnə bilər, Moskvanın “YUST” hüquq firmasının nümayəndəsi Denis Şumski belə hesab edir.
Azərbaycan səs “əksikliyini” özü üzə çıxarsa da, müsabiqənin nizamnaməsinə görə, sanksiyalar ilk növbədə müsabiqəni yayımlayan teleşirkətə toxunur, deyə o, “RİA Novosti”yə bildirib.
Azərbaycan hakimiyyəti çərşənbə axşamı ən böyük yerli mobil rabitə operatorlarının məlumatlarını elan edib, bu məlumatlar agörə Rusiya Azərbaycandan verilən səs sayına görə ikinci yeri tutub. Lakin səslərin yekun hesablanması zamanı Rusiya Azərbaycandan bir xal belə almayıb.
Formal olaraq müsabiqə iştirakçıları ölkələr deyil, Avropa Yayım İttifaqının (AYİ) üzvü olan teleşirkətlərdir, buna görə bu münaqişənin nəticəsi olaraq, yəqin ki, Azərbaycan tərəfdən müsabiqədə iştirak edən teleşirkətə – İTV-yə qarşı sanksiya tətbiq olunacaq, deyə Denis Şumski bildirib.
“Səslərin hesablanması zamanı hər-hansı pozuntular müəyyən edilərsə, müsabiqə qaydalarına əsasə, iştirak edən teleşirkətə qarşı növbəti 3 il ərzində müsabiqələrdə iştirakın qadağan edilməsinə qədər sanksiyalar tətbiq edilə bilər. Həmçinin üzvlük haqqının 5%-dən 10%-nə qədər əlavə cərimələr də tətbiq oluna bilər”, deyə o qeyd edib.
Şumskinin sözlərinə görə, səsvermə nəticələrinə etirazı AYİ-yə müraciətlə başlamaq lazımdır, növbəti addımlar isə ittifaqın cavabından asılı olacaq.
“Nəzəri cəhətdən Avropa İttifaqının məhkəmə instansiyalarına müraciətlə davam edəcək ssenarilər mümkündür”, vəkil belə hesab edir. -02D-
-
- İqtisadiyyat
- 22 May 2013 18:32
-
- Cəmiyyət
- 22 May 2013 19:08
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz