Azərbaycan səfər edənlərin qeydiyyat və dəvətində yenilik

Bakı/05.10.18/Turan: Bundan sonra Azərbaycan gələn əcnəbi və ya vətəndaşlığı olmayan şəxslər ölkədə 15 gün ərzində olduğu yer üzrə qeydiyyata alınmadan yaşaya biləcəklər.

Bununla bağlı Nazirlər Kabinetinin "Viza blankının doldurulması Qaydası", "Viza almaq üçün ərizə-anket" nümunəsi və "Azərbaycanna əcnəbini və ya vətəndaşlığı olmayan şəxsi dəvət edən tərəfin vəsatəti" nümunəsi barədə qərarlarına dəyişikliklər edilib.

Nazirlər Kabinetinin məlumatına görə, dəyişiklikləri baş nazir Novruz Məmmədov bu gün, oktyabrın 4-də imzalayıb.

Dəyişikliklərə görə, Dövlət Miqrasiya Xidməti bundan sonra Azərbaycanda 15 gündən artıq müvəqqəti olan əcnəbi və ya vətəndaşlığı olmayan şəxslərin olduğu yer üzrə qeydiyyata alınması üçün müraciət və sənədlərini qəbul edəcək. İndiyədək bu müddət 10 gün idi.

Əcnəbini və ya vətəndaşlığı olmayan şəxslərin Azərbaycan dəvət edilməsinin əsaslarına da dəyişiklik edilib.

Bundan sonra əcnəbi və ya vətəndaşlığı olmayan şəxslərə viza verilməsi üçün həmin şəxsləri dəvət edən tərəfin vəsatəti tələb olunacaq. İndiyədək əcnəbinin və ya vətəndaşlığı olmayan şəxsin təmsil etdiyi ölkənin və ya beynəlxalq təşkilatın rəsmi notası və ya Azərbaycanın müvafiq qurumlarının vəsatəti tələb olunurdu.

Bundan sonra həmçinin Azərbaycana əcnəbi və ya vətəndaşlığı olmayan şəxsi dəvət edən qeyri-dövlət təşkilatı özünün dövlət qeydiyyatı haqqında şəhadətnaməsinin surətini də təqdim etməli olacaq.

Bu qayda tranzit və turizm vizaları üçün keçrəli deyil.-0-