Azərbaycan vətəndaşları kredit borcunu xarici banklardan qanunsuz pul çəkməklə ödəyib

Azərbaycan vətəndaşları kredit borcunu Argentina və Bolqarıstan banklarından qanunsuz pul çəkməklə ödəyiblər.

Azərbaycan Daxili İşər Nazirliyinin mətbuat xidmətinin məlumatına görə, Baş Mütəşəkkil Cinayətkarlıqla Mübarizə İdarəsi müəyyən edib ki, Bakı şəhər sakinləri Rüstəm Ənsərov və Firudin Ələkbərov banklarda olan kredit borclarını qanunsuz olaraq bağlamaq məqsədi ilə informasiya texnologiyaları sahəsində xüsusi biliklərə malik olan paytaxt sakini Mədət Əliyevlə cinayət ələqəsinə girərək kiberqrup yaradıblar.

M.Quliyev isə öz növbəsində xarici ölkələrdə qanunsuz fəaliyyət göstərən haker qrupları ilə İnternet vasitəsi ilə əlaqə saxlayaraq onların texniki dəstəyindən istifadə etməklə Argentinanın "Banko Frances" və Bolqarıstanın "CİA" banklarının müştəri məlumat bazalarına kibercinayətlərdə istifadə olunması üçün nəzərdə tutulan xüsusi proqramlar vasitəsilə qanunsuz müdaxilələr edib.

Daha sonra M.Quliyev qeyd edilən bankların həmin ölkələrdəki müştərilərinin hesablarından İnternet vasitəsilə onlayn ödənişlər həyata keçirərək F.Ələkbərov və R.Ənsərəvun Azərbaycandakı kredit borclarını qanunsuz yolla bağlayaraq adı çəkilən bankların xidmətlərindən istifadə edən vətəndaşlara külli miqdarda ziyan vurublar.

M.Quliyevin istifadə etdiyi kompüterlərə baxış zamanı elektron sübutlar və iş üçün əhəmiyyət kəsb edən digər dəlillər müəyyən edilərək götürülüb.

Qeyd edilən fakta bağlı Baş İdarənin istintaq şöbəsində cinayət işi başlanılıb, araşdırmalar davam etdirilir.-03D-