Oktyabrın 8-də futbol üzrə Dünya Çempionatının seçmə turnirinin matçında Azərbaycan yığması Bakıda Norveç milli komandasına 1:0 hesabı ilə qalib gəlib.
Yeganə qolu 11-ci dəqiqədə hücumçu Maksim Medvedyev vurub. Medvedyevin cərimə meydançasının mərkəzində əlverişli mövqedə olduğunu görən Ağabala Ramazanov topu ona ötürüb və Medvedyev topun öhdəsindən məharətlə gəlib.
Norveçlilər var gücləri ilə bunun əvəzini çıxmağa çalışırdılar. Onlar topa daha çox sahib olurdular, Azərbaycan komandasının qapısı qarşısında gərgin məqamlar yaradırdılar. Lakin son məqamda onlarda dəqiqlik çatmadı, çünki Kamran Ağayev qapını yaxşı qoruyurdu.
Beləliklə, Azərbaycan builki seçmə silsiləsində ikinci dəfədir qələbə qazanır.
Bundan öncə sentyabrın 4-də Azərbaycan komandası San-Marinoda qalib gəlmişdi.
Azərbaycan yığması 6 xal ilə C qrupunda birinci yerə çıxıb.
İkinci yerdə Almaniya yığmasıdr, ancaq bir matç az oynayıb.
C qrupunda Çexiya və Şimali İrlandiya yığmaları da çıxış edirlər.—06В--
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz