![Azərbaycanda 2018-ci ildə hansı günlər bayram günü olacaq](https://turan.az/resized/media/2018/main/010400006591-750-500-resize.webp)
Azərbaycanda 2018-ci ildə hansı günlər bayram günü olacaq
Bakı/04.01.18/Turan: Ölkənin Nazirlər Kabinetinin qərarına əsasən, 2018-ci ildə Novruz bayramı ilə əlaqədar 20-24 mart tarixləri qeyri-iş günü elan edilib.
24 mart şənbə gününə təsadüf etdiyinə görə istirahət günü növbəti iş gününə - martın 26-nə keçirilir. Beləliklə, 17-18 mart istirahət günlərindən sonra bir gün - 19 mart iş günü, daha sonra 7 gün qeyri-iş günü olacaq.
Martda bir qeyri-iş günü daha var - 8 Mart Qadınlar Günü.
Mayda iki qeyri-iş günü olacaq: 9 May - Qələbə Günü və 28 May - Respublika Günü. 28 may bu il bazar ertəsinə təsadüf edir, beləliklə, ardıcıl olaraq 3 gün qeyri-iş günü olacaq.
2018-ci ildə Ramazan bayramı iyunun 15-16-da qeyd edilir. 15 iyun həm də Milli Qurtuluş Günü,16 iyun isə şənbə olduğuna görə, əmək qanunvericiliyinə əsasən bayramla əlaqədar istirahət günləri iki növbəti iş gününə keçirilməlidir.
22-23 avqust Qurban bayramına təsadüf edir.
Noyabrın 9-u Bayraq Günü kimi qeyd ediləcək.
İlin son günü - 31 dekabr Dünya Azərbaycanlılarının Həmrəylik Günü kimi qeyd edilir. -06D-
-
- Cəmiyyət
- 4 Yanvar 2018 13:35
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz