Azərbaycanda dini zəmində təfriqə salmaq istəyən qüvvələrin qarşısı alınır
İslam Əməkdaşlıq Təşkilatı Gənclər Forumu (İƏT GF) və Dini Qurumlarla İş üzrə Dövlət Komitəsi bu günlərdə "Fərqlilikləri birləşdirən dəyər - Azərbaycan: müasir çağırışlar və tolerantlıq” mövzusunda seminar-treninq keçirib.
Milli Tolerantlıq Mərkəzi (MTM) layihəsi çərçivəsində keçirilən bu seminar-treninqlərin bütün ölkə dindarlarını əhatə etməsi nəzərdə tutulur. Seminar-treninqlər Azərbaycanın dini tolerantlıq, dözümlülük ənənələrinin təbliği, radikallığa qarşı maarifləndirmə məqsədilə həyata keçirilir. Tədbir Oğuz, Şəki və Qəbələ rayonlarındakı islam və s. dinləri təmsil edən dini icma rəhbər və fəallarının iştirakı ilə keçirilib.
İƏT GF təmsilçisi Elçin Əsgərov bəzi ölkələrdə dinlər və məzhəblərarası münasibətlərdə gərginliyin yaşandığını, Azərbaycanın hələlik belə çəkişmələrdən kənarda qaldığını bildirib. Azərbaycandakı “dini model”i sarsıtmaq üçün məzhəbdaxili gərginlik yaratmaq istəyən qüvvələrin olduğu söylənib. Konkret ad çəkilmədən müstəqilliyin ilk illərində ölkəyə nüfuz edən qeyri-ənənəvi dini cərəyan mənsubları ölkədə dini təfriqə yaratmaqda ittiham olunublar. Bu qüvvələrin istər dövlət, istərsə də dini icmalar səviyyəsində təfriqələrinin qarşısının alındığı nəzərə çatdırılıb. Ölkə vətəndaşlarının və əsasən də gənclərin zərərli dini cərəyanların təsiri altına düşməmələri üçün dini maarifləndirmə işinin güqcləndirilməsi və cəlbediciliyinin artıtılması tövsiyə edilib.
Dini icmalara əlverişli fəaliyyət şəraitinin yaradıldığı nəzərə çatdırılıb, amma bundan sui-istifadə edən dini icmaların fəaliyyətlərinə göz yumulmayacağı barədə xəbərdarlıq olunub. Tolerantlıq ənənələrini pozmaq istəyən qüvvələrə dövlətlə birgə digər dini icmaların da mübarizə aparacağı bəyan edilib.-05D-
Cəmiyyət
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
Rəy yaz