РИА Новости
Azərbaycanda distant təhsil müddəti uzadılıb
Bakı/26.12.20/Turan: Azərbaycanda distant təhsil müddəti yenidən uzadılıb. Nazirlər Kabineti xüsusi karantin rejimi dövründə "Azərbaycan Respublikası ərazisində fəaliyyət göstərən təhsil müəssisələrinin fəaliyyətinin təşkili üzrə əlavə tədbirlər haqqında" qərara dəyişikliklər edib.
Qərara əsasən, Azərbaycanda təhsil müəssisələrində distant təhsil müddəti 30 dekabr 2020-ci ildən 31 yanvar 2021-ci ilə qədər uzadılıb. Bundan əvvəl isə Azərbaycanda distant təhsil müddəti 2020-ci ilin sonuna qədər uzadılıb.
Azərbaycanda martın 24-dən karantin rejimi fəaliyyət göstərir. Bu rejim 18 yanvar 2021-ci ilə qədər uzadılıb. Elə həmin səbəbdən keçən tədris ilində Azərbaycanda martın 3-dən distant təhsil tətbiq edilib və bu tədris ilinin sonuna qədər davam etdirilib.—0—
Cəmiyyət
-
Sentyabrın 29-da Bakıda və Abşeron yarımadasında havanın dəyişkən buludlu, əsasən yağıntısız olacağı gözlənilir. Şimal-şərq küləyi əsəcək.
-
Abşeron rayonunun Saray qəsəbəsi ərazisində silah və hərbi sursatlar aşkar edilib. Bu barədə Fövqəladə Hallar Nazirliyi bildirib. Nazirliyin Xüsusi Riskli Xilasetmə Xidmətinin minalardan təmizləmə üzrə çevik qrupu hadisə yerinə cəlb edilib.
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
Rəy yaz