Bakı/01.10.19/Turan: Oktyabrın 1-də Azərbaycanda əhalinin siyahıya alınmasına başlanılıb. Siyahıyaalma oktyabrın 10-dək davam edəcək. Bu barədə Dövlət Statistika Komitəsinin sədri Tahir Budaqov bildirib.
Onun sözlərinə görə, gecə saatlarından başlayaraq hava limanlarında, beynəlxalq avtovağzallarda və Bakı Dəmir Yolu Vağzalında gecə reysləri ilə gedən insanların siyahıya alınması həyata keçirilib.
Bu gün səhər saat 8-dən isə mənzillərə gedilərək əhalinin siyahıya alınmasına başlanılıb.
Prezident İlham Əliyev 2016-cı il sentyabrın 7-də "2019-cu ildə Azərbaycan Respublikasında əhalinin siyahıyaalınmasının keçirilməsi haqqında" fərman imzalayıb. Fərmana əsasən, əhalinin siyahıyaalınması ilə bağlı hazırlıq işlərinin görülməsi və onun keçirilməsi, yekunlarının işlənməsi, nəticələrinin dərc edilərək yayılması Azərbaycan Respublikası Dövlət statistika Komitəsinə həvalə edilib. Bu, müstəqillik dövründə əhalinin üçüncü siyahıyaalınmasıdır.
Azərbaycan Respublikası müstəqilliyini əldə etdikdən sonra əhalinin ilk siyahıya alınması 1999-cu ildə keçirilib. İkinci siyahıya alınma 10 il sonra - 2009-cu il aprelin 13-22-də keçirilib.
Tarixi məlumatlara görə isə, ümumilikdə indiyədək Azərbaycanda əhalinin 9 dəfə siyahıya alınması baş tutub. Bunlardan birincisi 1897-ci ildə Çar Rusiyası, digər altısı 1926-cı, 1939-cu, 1959-cu, 1970-ci, 1979-cu, 1989-cu illərdə Sovet İttifaqı və nəhayət son ikisi də 1999-cu, 2009-cu illərdə müstəqillik dövrünə aiddir.
2009-cu ildə keçirilən syahıyaalma zamanı Azərbaycanın 8 milyon 922,4 min əhalisi var idisə, indi, üçüncü siyahıyaalma ərəfəsində 10 milyonuncu sakin qeydiyyata alınıb. -03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz